Пра выставу пад адкрытым небам «Успамін пра Нямігу»

Апублікавана: 10 ліпеня 2023 г.

Дакументы з фондаў Беларускага дзяржаўнага архіва кінафотафонадакументаў прадстаўлены на фотавыставе пад адкрытым небам.

На фотавыставе «Успамін аб Нямізе», падрыхтаванай сумесна Музеем гісторыі горада Мінска, Беларускім дзяржаўным архівам кінафотафонадакументаў і Беларускім дзяржаўным архівам навукова-тэхнічнай дакументацыі ўвазе наведвальнікаў прапанаваны фатаграфіі, якія раскрываюць гісторыю вуліцы Няміга ў Мінску, размешчанай у сэрцы сталіцы – адной з самых старажытных вуліц горада. На фатаграфіях – будынкі і пабудовы ў розных архітэктурных стылях, культавыя збудаванні, працэс трансфармацыі вуліцы, пачатак будаўніцтва сучасных будынкаў.

Нягледзячы на тое, што сучасная Няміга страціла першапачатковае аблічча, яна зусім не страціла сілу свайго прыцягнення і па-ранейшаму застаецца адной з самых вядомых вуліц, дзе перасякаюцца вялікія патокі грамадзян.

Выстаўка працуе ў двары Мастацкай галерэі Міхаіла Савіцкага да 1 кастрычніка 2023 г. (пл. Свабоды, 15).

Уваход вольны.

Галоўны захавальнік фондаў БДАКФФД А.К.Кот пасля выступлення на цырымоніі адкрыцця выстаўкі

Агульны выгляд выставы пад адкрытым небам

Наведвальнікі выставы за аглядам экспазіцыі