Аб удзеле ў творчым вечары, прысвечаным 85-гадоваму юбілею Ю.А.Марухіна

Апублікавана: 11 ліпеня 2023 г.

7 ліпеня 2023 года ва ўстанове «Расійскі цэнтр навукі і культуры» адбылася творчая вечарына, прысвечаная 85-годдзю з дня нараджэння Юрыя Аляксандравіча Марухіна, заслужанага дзеяча мастацтваў Рэспублікі Беларусь, лаўрэата міжнародных і ўсесаюзных кінафестываляў, кінааператара, кінарэжысёра (13.07.1932 – 20.12.2001).

Арганізатарамі мерапрыемства выступілі Міжнародны фонд сацыяльнай і эканамічнай падтрымкі дзеячаў культуры і мастацтваў Уладзіміра Гасцюхіна, Россупрацоўніцтва, Інстытут мастацтвазнаўства, этнаграфіі і фальклору ім. К.Крапівы Нацыянальнай акадэміі навук Беларусі.

Запрошаныя госці, сярод якіх прысутнічалі скульптар, народны мастак Беларусі І.Я.Міско, народная артыстка Беларусі Т.Г.Мархель, з цяплом успаміналі свайго калегу і сябра Ю.А.Марухіна і яго неацэнны ўклад у айчыннае экраннае мастацтва. Юрый Аляксандравіч Марухін з’яўляецца аўтарам звыш 10 дакументальных фільмаў («Мінск», «Салдаткі» і інш.), аператарам-пастаноўшчыкам 14 мастацкіх фільмаў («Чакай мяне, Ганна», «Час выбраў нас», «Магіла льва» і інш.), рэжысёрам 4 мастацкіх фільмаў («Маці Урагана», «Радаўніца» і інш.).

У сваім выступленні намеснік дырэктара ўстановы «Беларускі дзяржаўны архіў кінафотафонадакументаў» А.М.Грыневіч адзначыла неардынарны талент Ю.Марухіна, яго асаблівы творчы почырк, які садзейнічаў прафесійнаму і эстэтычнаму росту беларускага мастацкага і дакументальнага кіно. Таксама ёю быў асветлены склад дакументаў пра беларускага рэжысёра, а таксама кінавідэадакументы, якія захоўваюцца ў архіве.

Намеснік дырэктара БДАКФФД Я.М.Грыневіч падчас выступу

Заслужаная артыстка Беларусі Т.Г.Мархель

У час правядзення мерапрыемства