Электронныя звароты грамадзян і юрыдычных асоб

Паважаныя карыстальнікі!

З 2 студзеня 2023 г. набыў моц зменены Закон Рэспублікі Беларусь ад 18 ліпеня 2011 г. № 300-З «Аб зваротах грамадзянаў і юрыдычных асоб», які ўсталёўвае магчымасць падачы ў дзяржаўныя органы і іншыя дзяржаўныя арганізацыі электронных зваротаў і атрыманне адказаў (паведамленняў) на іх з пасярэдніцтвам дзяржаўнай адзінай (інтэграванай) рэспубліканскай інфармацыйнай сістэмы ўліку і апрацоўкі зваротаў грамадзянаў і юрыдычных асоб.

Падача электронных зваротаў у Дэпартамент па архівах і справаводству Міністэрства юстыцыі і дзяржаўныя архіўныя установы ажыццяўляецца з дапамогай сістэмы ўліку і апрацоўкі зваротаў у глабальным кампутарным сеціве Інтэрнэт па адрасе: обращения.бел.

Паважаныя наведвальнікі сайта!

Звяртаем увагу, што запыты аб запатрабаванні звестак з архіўных дакументаў (атрыманне архіўных даведак, архіўных выпісак, архіўных копій, інфармацыйных лістоў) (далей – запыты) не падпадаюць пад дзеянне Закона Рэспублікі Беларусь ад 18 ліпеня 2011 г. № 300-З «Аб зваротах грамадзян і юрыдычных асоб» і, адпаведна, не могуць разглядацца пры іх паступленні ў Дзяржаўную адзіную (інтэграваную) рэспубліканскую інфармацыйную сістэму ўліку і апрацоўкі зваротаў грамадзян і юрыдычных асоб.

Для атрымання інфармацыі неабходнай для афармлення запытаў просьба пераходзіць па спасылцы ў раздзел «Паслугі», дзе таксама можна азнаёміцца з парадкам выканання запытаў.

***
Перад тым, як адправіць электронны зварот, азнаёмцеся з патрабаваннямі, якія прад’яўляюцца да зваротаў. Нарматыўныя прававыя акты, якія рэгулююць звароты грамадзян і юрыдычных асоб:
  • Закон Рэспублікі Беларусь ад 18 ліпеня 2011 года № 300-З «Аб зваротах грамадзян і юрыдычных асоб»
  • Пастанаўленне Савету Міністраў Рэспублікі Беларусь ад 30 снежня 2011 г. № 1786 «Аб зацвярджэнні Палажэння аб парадку вядзення справаводства па зваротам грамадзян і юрыдычных асоб у дзяржаўных органах, іншых арганізацыях, у індывідуальных прадпрымальнікаў».
Электронны зварот выкладаецца на беларускай або рускай мовах. Электронны зварот грамадзяніна ў абавязковым парадку павінен змяшчаць:
  • прозвішча, асабістае імя, імя па бацьку (калі маецца) альбо ініцыялы грамадзяніна;
  • адрас месца жыхарства (месца прыбывання) грамадзяніна;
  • выкладанне сутнасці звароту;
  • адрас электроннай пошты грамадзяніна.
Электронны зварот юрыдычнай асобы ў абавязковым парадку павінен змяшчаць:
  • поўнае наіменаванне юрыдычнай асобы;
  • месца знаходжання юрыдычнай асобы;
  • выкладанне сутнасці звароту;
  • прозвішча, асабістае імя, імя па бацьку (калі маецца), упаўнаважанага падпісваць звароты;
  • адрас электроннай пошты юрыдычнай асобы.
Электронныя звароты павінны быць разгледжаны не пазней за 15 дзён з дня рэгістрацыі, а якія патрабуюць дадатковага вывучэння і праверкі – не пазней 1 месяца. Адказы на электронныя звароты накіроўваюцца ў электронным выглядзе на адрас пошты, які ўказаны ў электронным звароце, альбо ў пісьмовым выглядзе на адрас месца жыхарства (месца прыбывання) грамадзяніна альбо месца знаходжання юрыдычнай асобы ў выпадках, усталяваных Законам Рэспублікі Беларусь ад 18 ліпеня 2011 года ”Аб зваротах грамадзян і юрыдычных асоб“.

Пакідаюцца без разгляду па сутнасці звароты, якія (па якім):

  • выкладзены не на беларускай або рускай мове;
  • не змяшчаюць прозвiшча, уласнага iмя, iмя па бацьку (калі маецца), адраса месца жыхарства (месца знаходжання) грамадзяніна;
  • не змяшчаюць поўнай назвы юрыдычнай асобы і адраса яго месца знаходжання, прозвiшча, уласнага iмя, iмя па бацьку (калі маецца) кіраўніка або асобы, упаўнаважанай ва ўстаноўленым парадку падпісваць звароты (для юрыдычных асоб);
  • змяшчаюць тэкст, які не паддаецца прачытанню;
  • змяшчаюць нецэнзурныя альбо абразлівыя словы або выразы;
  • падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах альбо ў адпаведнасці з заканадаўчымі актамі ўстаноўлены іншы парадак падачы і разгляду такіх зваротаў;
  • змяшчаюць пытанні, якія не адносяцца да кампетэнцыі органаў архіўнай справы і справаводства і архіўных устаноў;
  • прапушчаны без уважлівай прычыны тэрмін падачы скаргі;
  • пададзены паўторны зварот, калі ён ужо быў разгледжаны па сутнасці і ў ім не ўтрымліваюцца новыя абставіны, якія маюць значэнне для разгляду звароту па сутнасці;
  • з заяўнікам спынена перапіска.

Запыты аб запатрабаванні звестак з архіўных дакументаў да зваротаў грамадзян і юрыдычных асоб не адносяцца. З асноўнай тэматыкай запытаў і парадкам іх выканання можна азнаёміцца ў рубрыцы «Паслугі».