Удзел Рэчыцкага дзяржархіва ў семінары-практыкуме для настаўнікаў гісторыі Рэчыцкага раёна

На базе сярэдняй школы № 2 г.Рэчыцы прайшоў семінар-практыкум па тэме «Удасканальванне прафесійнай кампетэнтнасці настаўнікаў гісторыі па фарміраванню грамадзянскасці і патрыятызму ў навучэнцаў на ўроках і ў пазаўрочнай дзейнасці». На дадзеным мерапрыемстве педагогі і госці семінара дзяліліся звесткамі і вопытам працы па грамадзянска-патрыятычнаму выхаванню і навучанню навучэнцаў устаноў адукацыі.

На семінар-практыкум былі запрошаны і супрацоўнікі Занальнага дзяржаўнага архіва ў г.Рэчыцы. У ходзе выступлення яны прадэманстравалі дакументы па тэме Вялікай Айчыннай вайны, якія захоўваюцца ў архіве: пратаколы допытаў, акты камісій, спісы знішчаных савецкіх грамадзян, фатаграфіі спаленых вёсак з фонда Надзвычайнай дзяржаўнай камісіі СССР па расследаванню злачынстваў фашызму, дакументы асабістага паходжання з фонда Героя Савецкага Саюза Д.Д.Валенціка. Увазе прысутнічаючых быў прадстаўлены дакументальны фільм «Гісторыя Вялікай Перамогі», падрыхтаваны Беларускім дзяржаўным архівам кінафотафонадакументаў на аснове матэрыялаў кінахронікі, якія захоўваюцца там.

1. Выстаўка архіўных дакументаў па тэме Вялікай Айчыннай вайны на семінары-практыкуме ў сярэдняй школе № 2 г.Рэчыцы

2-4. У час паказа фільма «Гісторыя Вялікай Перамогі»