Адкрыццё сумеснай выстаўкі Беларускага дзяржаўнага архіва кінафотафонадакументаў і Нацыянальнага мастацкага музея Рэспублікі Беларусь «Кудрэвічы. Адданыя мастацтву»
28 лістапада 2024 г. работнікі Беларускага дзяржаўнага архіва кінафотафонадакументаў (далей – БДАКФФД) прынялі ўдзел ва ўрачыстым адкрыцці выстаўкі «Кудрэвічы. Адданыя мастацтву», якая з’яўляецца сумесным праектам БДАКФФД і Нацыянальнага мастацкага музея. Урачыстае адкрыццё адбылося ў Нацыянальным мастацкім музеі Рэспублікі Беларусь. Выстаўка прымеркавана да 140-годдзя з дня нараджэння Уладзіміра Мікалаевіча Кудрэвіча, заслужанага дзеяча мастацтваў БССР.
Выстаўка прысвечана творчасці мастака В.М. Кудрэвіча, яго дачкі, мастачкі Раісы Кудрэвіч і сына, акцёра Уладзіміра Кудрэвіча. Асноўныя сюжэты творчасці В.Н.Кудрэвіча звязаны з прыгажосцю беларускай прыроды, у 1930-я гады ў творчасці майстра з’яўляецца і новая тэма – праца чалавека.
Раіса Уладзіміраўна Кудрэвіч – заслужаны дзеяч мастацтваў БССР, народны мастак Беларусі, увайшла ў гісторыю як майстар шматфігурнай кампазіцыі, пейзажа і нацюрморта.
Уладзімір Уладзіміравіч – заслужаны артыст БССР, з’яўляецца прадаўжальнікам справы бацькі ў тэатральнай сферы, іграў у шматлікіх тэатральных пастаноўках кінафільмах, выступаючы ў радыёспектаклях.
Для афармлення экспазіцыі з фондаў БДАКФФД былі прадастаўлены фотадакументы з фотакалекцый І.М.Берліна, І.І.Салавейчыка, Беларускага тэатральнага таварыства, газеты «Літаратура і мастацтва», а таксама сюжэт кіначасопіса «Советская Белоруссия» аб адкрыцці выстаўкі В.М.Кудрэвіча. у Мінску ў 1954 г.
Выстаўка размяшчаецца ў галоўным корпусе Нацыянальнага мастацкага музея Рэспублікі Беларусь з 28 лістапада 2024 г. па 13 студзеня 2025 г.
![]() |
1. Наведвальнікі выстаўкі «Кудрэвічы. Адданыя мастацтву» падчас азнаямлення з экспазіцыяй, 28 лістапада, г. Мінск |
![]() |
2. Наведвальнікі выстаўкі «Кудрэвічы. Адданыя мастацтву» падчас азнаямлення з экспазіцыяй, 28 лістапада, г. Мінск |
![]() |
3. Адкрыццё выставы «Кудрэвічы. Адданыя мастацтву» ў Нацыянальным мастацкім музеі Рэспублікі Беларусь, 28 лістапада, г. Мінск |
![]() |
4. Адкрыццё выставы «Кудрэвічы. Адданыя мастацтву» ў Нацыянальным мастацкім музеі Рэспублікі Беларусь, 28 лістапада, г. Мінск |