Аб экспанаванні банэрнай выстаўкі «Брэсцкая вобласць: старонкі гісторыі» у Брэсцкай абласной бібліятэцы імя М.Горкага

Апублікавана: 4 сакавіка 2024 г.

У перыяд з 26 па 29 лютага 2024 г. у Брэсцкай абласной бібліятэцы імя М.Горкага экспанавалася падрыхтаваная архівам банэрная выстаўка «Брэсцкая вобласць: старонкі гісторыі» у рамках турніру інтэлектуальных гульняў для вучняў школ і сярэдніх спецыяльных устаноў горада пад назвай «Мы – берасцейцы», арганізаванага бібліятэкай да 85-годдзя Брэсцкай вобласці, якое адзначаецца ў 2024 годзе.

У інтэлектуальных спаборніцтвах прынялі ўдзел прадстаўнікі 16 навучальных устаноў брэсцкага рэгіёна.

Удзельнікі турніру, прысвечанага гісторыі вобласці, мелі магчымасць азнаёміцца з прадстаўленымі на выстаўцы архіўнымі дакументамі, фатаграфіямі, артыкуламі з Брэсцкай абласной газеты «Зара», якія адлюстроўваюць асноўныя вехі развіцця вобласці і значныя падзеі ў яе гісторыі (са снежня 1939 г. і да канца 1980-х гг.).