Віртуальная выстава: «Франтавой медсястры прысвячаецца…»

Напярэдадні Дня Перамогі і Міжнароднага Дня Чырвонага Крыжа і Чырвонага паўмесяца ўстанова «Дзяржаўны архіў грамадскіх аб’яднанняў Гомельскай вобласці» прадстаўляе віртуальную выставу архіўных дакументаў і фатаграфій «Франтавой медсястры прысвячаецца…», прысвечаную франтавой медсястры, кавалеру Медалі імя Флорэнс Найтынгейл – Голухавай Соф’і Васільеўне.

У перадпачатку гэтых знамянальных дат, архівісты дзяржаўнага архіва жадаюць прадставіць чытачам новую архіўную знаходку.

Падчас працы па даследаванні дакументаў архіўнага фонду Буда-Кашалёўскі райкам КПБ, архівісты выявілі асабістую справу Голухавай Соф’і Васільеўны, якая ў чэрвені 1941-га была прызвана ў Чырвоную Армію, а ў кастрычніку 1942-га ў жорсткім баі пад Калінінам за двое сутак. сабе больш за 40 параненых, страціўшы левую руку і атрымаўшы раненні абедзвюх ног.

Соф’я Васільеўна Голухава была ўзнагароджана ордэнамі Айчыннай вайны I і II ступеней, медалямі, а ў 1975 годзе за гераізм, праяўлены пры выратаванні параненых у гады Вялікай Айчыннай вайны, была ўзнагароджана Міжнародным камітэтам Чырвонага Крыжа залатым медалём імя Флорэнс Найтынгей.

За подзвігі падчас Вялікай Айчыннай вайны шэсць медыцынскіх сясцёр з Беларусі былі ўдастоены гэтай вышэйшай узнагароды для медсясцёр, якія вызначыліся пры доглядзе хворых і параненых, Голухава Соф’я Васільеўна адна з іх.

У 2021 годзе ў Гомелі па вуліцы Жукава ўстанавілі памятную дошку сястры міласэрнасці Соф’і Голухавай. Гомельскай гарадской паліклініцы № 5 прысвоілі імя сястры міласэрнасці Соф’і Голухавай.

1. Вокладка справы па прыёме ў члены ВКП(б) Голухавай Соф’і Васільеўне. 1946г. (Ф.253. Оп.1. Д.165.)

2. Заява Голухавай Соф’і Васільеўны аб прыёме ў члены ВКП(б) (Ф.253. Оп.1. Д.165. Л.1)

3. Анкета кандыдата, які ўступае ў члены ВКП(б). 27.06.1946г. (Ф.253. Оп.1. Д.165. Л.2)

4. Анкета кандыдата, які ўступае ў члены ВКП(б). 27.06.1946г. (Ф.253. Оп.1. Д.165. Л.2аб)

5. Аўтабіяграфія Голухавай Соф’і Васільеўны (Ф.253. Оп.1. Д.165. Л.3)

6. Аўтабіяграфія Голухавай Соф’і Васільеўны (Ф.253. Оп.1. Д.165. Л.3аб)

7. Рэкамендацыя кандыдату ВКП(б) Голухавай Соф’і Васільеўны. 08.04.1946г. (Ф.253. Оп.1. Д.165. Л.4)

8. Рэкамендацыя кандыдату ВКП(б) Голухавай Соф’і Васільеўны. 29.03.1946г. (Ф.253. Оп.1. Д.165. Л.5)

9. Рэкамендацыя кандыдату ВКП(б) Голухавай Соф’і Васільеўны. 06.03.1946г. (Ф.253. Оп.1. Д.165. Л.6)

10. Характарыстыка на фельчара Голухаву Соф’ю Васільеўну, якая працавала пры Буда-Люшэўскім медычным участку. 09.04.1946г. (Ф.253. Оп.1. Д.165. Л.7)

11. Голухава Соф’я Васільеўна (Фота з сеткі Інтэрнэт)

12. Соф’я Васільеўна Голухава (злева), Еўдакія Карпаўна Башлакова (у цэнтры), Марыя Апанасаўна Гаранчук (справа). Пасля ўручэння Соф’і Васільеўне Голухавай медалі Флорэнс Найтынгейл. г.Буда-Кашалёва, 10 ліпеня 1975г. (Фота з сеткі Інтэрнэт)

13. Соф’я Голухава (у цэнтры) удзельніца Вялікай Айчыннай вайны, франтавая медсястра, кавалер медаля Флорэнс Найтынгейл, ветэран працы. (Фота з сеткі Інтэрнэт)

14. Памятная дошка сястры міласэрнасці Соф’і Голухавай, устаноўленая ў Гомелі па вуліцы Жукава ў 2021 годзе (Фота з сеткі Інтэрнэт)

15. Гомельскай гарадской паліклініцы № 5 прысвоілі імя сястры міласэрнасці Соф’і Голухавай (Фота з сеткі Інтэрнэт)

16. Медаль імя Флорэнс Найтынгейл Соф’і Голухавай у экспазіцыі Гомельскага абласнога музея ваеннай славы (Фота з сеткі Інтэрнэт)