Беларускім навукова-даследчым цэнтрам электроннай дакументацыі арганізаваны і праведзены навучальны анлайн-семінар для прадстаўнікоў арганізацый Рэспублікі Беларусь

8 снежня 2021 года Беларускім навукова-даследчым цэнтрам электроннай дакументацыі (далей — БелНДЦЭД) арганізаваны і праведзены навучальны анлайн-семінар для прадстаўнікоў арганізацый Рэспублікі Беларусь. З дакладам выступіла Жук Вольга Юр’еўна, загадчык аддзела камплектавання БелНДЦЭД.

У мерапрыемстве прынялі ўдзел прадстаўнікі 7 арганізацый, у тым ліку ААТ “АМКАДОР”, ААТ “БЕЛАЗ”, Аршанскі авіярамонтны завод, ЗАТ “Альфа-Банк” і інш.

У рамках семінара былі разгледжаны актуальныя пытанні ў сферы электроннага дакументаабарота і архіўнага захоўвання дакументаў у электронным выглядзе, электронных дакументаў і інфармацыйных рэсурсаў:

• Нарматыўна-метадычная база Рэспублікі Беларусь у сферы работы з дакументамі ў электронным выглядзе, электроннымі дакументамі і інфармацыйнымі рэсурсамі;
• Арганізацыя электроннага дакументаабарота і архіўнага захоўвання дакументаў у электронным выглядзе, электронных дакументаў;
• Экспертыза каштоўнасці дакументаў у электронным выглядзе, электронных дакументаў і інфармацыйных рэсурсаў;
• Забеспячэнне архіўнага захоўвання дакументаў у электронным выглядзе, электронных дакументаў і інфармацыйных рэсурсаў у архіве арганізацыі;
• Рэгламент работы інфармацыйнай сістэмы архіва электронных дакументаў Нацыянальнага архіўнага фонду Рэспублікі Беларусь.

Заключная частка анлайн-семінара была прысвечана адказам на пытанні. Прагучалі адказы на наступныя пытанні:

• магчымасць уключэння мабільных дадаткаў банкаў у наменклатуру спраў арганізацыі;
• асаблівасці стварэння і засведчання электронных копій дакументаў на папяровым носьбіце;
• укараненне штампа часу ў Рэспубліцы Беларусь;
• функцыянальныя адрозненні паміж АС ДЗК і інфармацыйнай сістэмай архіва арганізацыі і інш.