Па старонках гісторыі і традыцый: работнікі НІА Беларусі здзейснілі экскурсійную паездку

15 жніўня 2026 года работнікі Нацыянальнага гістарычнага архіва Беларусі здзейснілі займальную экскурсійную паездку, маршрут якой аб’яднаў шэдэўры айчыннага дойлідства і сучасныя культурна-гастранамічныя брэнды краіны.

Арганізатарам гэтага насычанага і каларытнага тура выступіла Мінская гарадская арганізацыя Беларускага прафсаюза работнікаў дзяржаўных і іншых устаноў.

Першай кропкай на шляху руху стаў гістарычны комплекс у Крэве. Архівісты дакрануліся да сцен легендарнага Крэўскага замка, даведаліся малавядомыя факты аб падпісанні Крэўскай уніі 1385 года і пагрузіліся ў атмасферу сярэднявечнай фартыфікацыі.

1. Работнікі НІА Беларусі на фоне руін Крэўскага замка

2. Крэўскі замак

Далей турыстычны маршрут пралёг праз вёску Гервяты. Тут удзельнікі паездкі наведалі знакаміты Траецкі касцёл, які часта называюць «беларускім Нотр-дамам» за яго манументальную неагатычную архітэктуру і цудоўны ландшафтны парк. Галоўнай падзеяй візіту стаў эксклюзіўны канцэрт арганнай музыкі. Магутнае гучанне інструмента пад скляпеннямі храма пакінула ў калектыву незабыўныя ўражанні.

3. Касцёл Святой Тройцы

4. Інтэр’ер касцёла

5-6. Дэндрарый ля касцёла

Другую палову дня супрацоўнікі архіва прысвяцілі знаёмству з прамысловым патэнцыялам і гастранамічнымі традыцыямі рэгіёнаў.

Спецыялісты НІА Беларусі наведалі ТАА «Вінакурня Нарач» – найстарэйшае прадпрыемства з багатай гісторыяй, дзе азнаёміліся з сучаснымі тэхналогіямі вытворчасці традыцыйных напояў і этапамі мадэрнізацыі завода.

7-8. У вытворчым цэху ТАА «Вінакурня Нарач»

Фінальным акордам экскурсіі стала наведванне крафтавай сыраварні «ГрандМілк». Работнікі прадпрыемства раскрылі сакрэты сырнай справы, распавялі аб вытворчасці ад самых пачатковых этапаў да камеры паспявання вытрыманага сыру, разам з экскурсантамі вырабілі італьянскі сыр сямейства Pasta Filata. Гасцям прадпрыемства прапанавалі прадэгуставаць лепшыя ўзоры прадукцыі.

9. Знаёмства з крафтовым сыраробствам

10. Свежы сыр

11. Камера паспявання вытрыманага сыру

12. На дэгустацыі прадукцыі сыраварні

Сумесная паездка не толькі пашырыла кругагляд супрацоўнікаў і ўзбагаціла іх веды аб гісторыка-культурнай спадчыне Беларусі, але і паслужыла выдатным стымулам для ўмацавання карпаратыўнага духу калектыву.