У БелНДІДАС 24 сакавіка 2026 г. адбыўся навучальны вебінар па тэме «Стварэнне і вядзенне архіва арганізацыі. Навукова-тэхнічная апрацоўка дакументаў»

У вебінары ў якасці слухачоў прынялі ўдзел прадстаўнікі дзяржаўных органаў і іншых арганізацый (усяго 18 чалавек). У іх ліку – работнікі Нацыянальнага статыстычнага камітэта Рэспублікі Беларусь, Беларускай гандлёва-прамысловай палаты, Федэрацыі прафсаюзаў Беларусі, Беларускага прафсаюза работнікаў энергетыкі і паліўнай прамысловасці, Беларускага прафсаюза банкаўскіх і фінансавых работнікаў.

У якасці лектараў на вебінары выступілі дырэктар БелНДІДАС кандыдат гістарычных навук А.Я.Рыбакоў, загадчык аддзела дакументазнаўства А.В.Шумская, загадчык аддзела архівазнаўства С.Я.Купрыянаў, вядучы навуковы супрацоўнік аддзела дакументазнаўства кандыдат гістарычных навук К.П.Дзярновіч і навуковы супрацоўнік аддзела архівазнаўства І.У.Лютарэвіч, якія асвятлілі наступныя пытанні:

– Заканадаўства ў сферы архіўнай справы і справаводства, дзяржаўны кантроль за яго выкананнем, адміністрацыйная і крымінальная адказнасць;
– Парадак стварэння архіва і арганізацыя яго працы;
– Віды, задачы і функцыі архіваў; парадак распрацоўкі Палажэння аб архіве, службовых інструкцый, іншых лакальных прававых актаў;
– Экспертыза каштоўнасці дакументаў у справаводстве і архіве арганізацыі. Пералікі дакументаў з указаннем тэрмінаў захоўвання;
– Праект новага Пераліку тыпавых дакументаў: плануемыя змены. Асаблівасці прымянення пералікаў дакументаў у розных арганізацыях;
– Вызначэнне тэрмінаў захоўвання дакументаў. Асаблівасці вылічэння тэрмінаў захоўвання дакументаў, якія падлягаюць праверцы падатковымі органамі;
– Падрыхтоўка і перадача спраў на захоўванне ў архіў арганізацыі. Складанне зводных вопісаў спраў у архіве арганізацыі;
– Знішчэнне дакументаў і спраў са скончанымі тэрмінамі захоўвання. Складанне акта на знішчэнне;
– Перадача ў архіў арганізацыі электронных спраў. Інфармацыйная сістэма архіва арганізацыі, АІС «Ведамасны архіў». Асаблівасці складання зводных вопісаў электронных спраў;
– Асаблівасці знішчэння дакументаў у электронным выглядзе, уключаючы электронныя дакументы.

У канцы вебінара лектары адказалі на пытанні слухачоў.

Удзельнікі вебінара высока ацанілі ўзровень праведзенага мерапрыемства, падкрэслілі важнасць і актуальнасць разгледжаных пытанняў, выказалі падзяку арганізатарам і лектарам.

Правядзенне семінараў і іншых навучальных мерапрыемстваў, якія арганізуюцца БелНДІДАС у рамках выканання даручэнняў Міністэрства юстыцыі Рэспублікі Беларусь і Дэпартамента па архівах і справаводству Міністэрства юстыцыі Рэспублікі Беларусь па растлумачэнні норм заканадаўства ў сферы архіўнай справы і справаводства, будзе працягнута.

1. З прывітальным словам да ўдзельнікаў семінара выступае дырэктар БелНДІДАС А.Я.Рыбакоў

2. Загадчык аддзела дакументазнаўства А.В.Шумская падчас вебінара

3. Загадчык аддзела архівазнаўства С.Я.Купрыянаў падчас вебінара

4. Вядучы навуковы супрацоўнік аддзела дакументазнаўства К.П.Дзярновіч падчас вебінара

5. Навуковы супрацоўнік аддзела архівазнаўства І.У.Лютарэвіч падчас вебінара