12 ліпеня 2017 г. адбылося пасяджэнне калегіі Дэпартамента па архівах і справаводству Міністэрства юстыцыі Рэспублікі Беларусь
12 ліпеня 2017 г. адбылося пасяджэнне калегіі Дэпартамента па архівах і справаводству Міністэрства юстыцыі Рэспублікі Беларусь, на якім былі разгледжаны пытанні: аб выніках комплекснай праверкі дзейнасці ўстановы «Беларускі дзяржаўны архіў кінафотафонадакументаў», аб выніках праверкі фінансава-гаспадарчай дзейнасці ўстановы «Беларускі дзяржаўны архіў кінафотафонадакументаў» і аб рабоце са зваротамі грамадзян і юрыдычных асоб у органах архіўнай справы і справаводства і дзяржаўных архіўных установах у першым паўгоддзі 2017 года.
Абмеркаваўшы інфармацыю аб выніках комплекснай праверкі работы ўстановы «Беларускі дзяржаўны архіў кінафотафонадакументаў», калегія прызнала работу БДАКФФД здавальняючай.
Разам з тым, калегіяй ўказана на неабходнасць ліквідацыі выяўленых у ходзе праверкі недахопаў у дзейнасці ўстановы «Беларускі дзяржаўны архіў кінафотафонадакументаў».
Па трэцяму пытанню калегіяй адзначана, што ў першым паўгоддзі 2017 г. работа органаў архіўнай справы і справаводства, дзяржаўных архіўных устаноў Рэспублікі Беларусь (далей – архіўныя органы і ўстановы) па разгляду зваротаў грамадзян і юрыдычных асоб, па выдачы ім даведак была арганізавана і вялася ў адпаведнасці з Законам Рэспублікі Беларусь ад 18 ліпеня 2011 года «Аб зваротах грамадзян і юрыдычных асоб», Указам Прэзідэнта Рэспублікі Беларусь ад 15 кастрычніка 2007 г. № 498 «Аб дадатковых мерах па працы з зваротамі грамадзян і юрыдычных асоб», Дырэктывай Прэзідэнта Рэспублікі Беларусь ад 27 снежня 2006 г. № 2 «Аб мерах па далейшай дэбюракратызацыі дзяржаўнага апарата».
Дзейнасць архіўных органаў і ўстаноў у справаздачны перыяд была накіравана на своечасовы і якасны разгляд зваротаў грамадзян і юрыдычных асоб.
Вялікая ўвага ў першым паўгоддзі 2017 г. надавалася кантролю за тэрмінамі разгляду зваротаў, а таксама напаўненні інтэрнэт-рэсурсаў адпаведнай інфармацыяй. Дадаткова дзяржаўныя архівы інфармавалі зацікаўленых асоб аб складзе і змесце архіўных дакументаў праз сродкі масавай інфармацыі.
Калегіяй рэкамендавана структурным падраздзяленням па архівах і справаводству галоўных упраўленняў юстыцыі абласных выканаўчых камітэтаў, дзяржаўным архіўным установам ажыццяўляць пастаянны кантроль за выкананнем патрабаванняў заканадаўства Рэспублікі Беларусь па арганізацыі працы са зваротамі грамадзян і юрыдычных асоб; сістэматычна разглядаць стан работы са зваротамі грамадзян і юрыдычных асоб на пасяджэннях калегіі Дэпартамента, нарадах у структурных падраздзяленнях па архівах і справаводству галоўных упраўленняў юстыцыі абласных выканаўчых камітэтаў, пасяджэннях дырэкцыяў дзяржаўных архіўных устаноў, а таксама сістэматычна праводзіць аналіз скаргаў, якія паступаюць і ў выпадку іх абгрунтаванасці прыцягваць да адказнасці службовых асоб, па віне якіх былі парушаныя правы і законныя інтарэсы грамадзян.