8 кастрычніка 2019 г. у Мінскім абласным выканаўчым камітэце адбылося адкрыццё гісторыка-дакументальнай выставы «Свята ўраджаю»

8 кастрычніка 2019 г. у Мінскім абласным выканаўчым камітэце (г. Мінск, вул. Энгельса, 4) адбылося адкрыццё гісторыка-дакументальнай выставы «СВЯТА ЎРАДЖАЮ», прымеркаванай да правядзення абласнога свята працаўнікоў вёскі «Дажынкі–2019» у г. Барысаве. Выстава падрыхтавана супрацоўнікамі аддзела выкарыстання і публікацыі дакументаў Дзяржаўнага архіва Мінскай вобласці.

Культура беларусаў цесна звязана з зямлёй. Многія святы, звычаі і традыцыі бяруць свой пачатак з падзей земляробчага календара. Дажынкі, мабыць, самы вядомы з такіх святаў, прысвечаны сабраным ураджаі, ўрадлівасці і сямейнага дабрабыту. Да гэтага часу завяршаюцца палявыя работы: жніво, вываз хлеба, ўборка лёну.

Свята ўраджаю – свята Дажынкі ў Беларусі заўсёды святкавалі вельмі ўрачыста з прыгожымі змястоўнымі абрадамі. Пачынаючы з 1996 года, дажынкі на Беларусі праводзіліся як Рэспубліканскі фестываль-кірмаш працаўнікоў вёскі і кожны год у розных гарадах-раённых цэнтрах краіны. А з 2014 года фестываль арганізуецца ў адным з раённых цэнтраў Беларусі кожнай вобласцю самастойна.

На выставе прадстаўлены дакументы аб правядзенні Дня ўраджаю пачынаючы з 1924 г., аб правядзенні Першай Усебеларускай сельскагаспадарчай выставы 1930 г., аб размяшчэнні павільёнаў выставы, справаздачу аб правядзенні чацвёртай Мінскай абласной сельскагаспадарчай выставы. Выклікае вялікі інтарэс дыплом пераможцы, выдадзены ў свята Дзень ўраджаю 1925 г. і фота сельскагаспадарчай тэхнікі 1950-х гг. з альбомаў, якія знаходзяцца на захоўванні ў Дзяржаўным архіве Мінскай вобласці.

На сайце Мінскага абласнога выканаўчага камітэта размешчана выстава электронных дакументаў «ДАЖЫНКІ: ПОГЛЯД СКРОЗЬ ЧАС. ЭЛЕКТРОННАЯ ВЫСТАВА «СВЯТА ЎРАДЖАЮ»