Прэзентацыя навукова-папулярнага выдання «Жанчыны ў партызанскім руху Беларусі» прайшла ў ДУА «Ноўкінская сярэдняя школа Віцебскага раёна імя двойчы Героя Савецкага Саюза П.I.Клімука»

30 кастрычніка 2026 года ў рамках рэспубліканскай акцыі «Архівы – школе» ў сценах ДУА «Ноўкінская сярэдняя школа Віцебскага раёна iмя двойчы Героя Савецкага Саюза П.I.Клімука» загадчык аддзела публікацый Нацыянальнага архіва Рэспублікі Беларусь (далей – НАРБ) У.А.Калабаева, выпускніца Ноўкінскай школы 2017 года, прэзентавала навукова-папулярнае выданне НАРБ «Жанчыны ў партызанскім руху Беларусі». Падзея прыцягнула ўвагу не толькі навучэнцаў і выкладчыцкага складу школы, але і ўсіх неабыякавых да гераічнага мінулага сваёй краіны.

На прэзентацыі У.А.Калабаева падзялілася неацэннымі звесткамі, сабранымі з архіўных дакументаў, асабістых дзённікаў і ўспамінаў ветэранаў. Асаблівае ўражанне на слухачоў зрабілі гісторыі канкрэтных жанчын – байцоў, сувязных, медыкаў, якія ўпісалі свае імёны ў летапіс народнага супраціву. Былі прадэманстраваны ўнікальныя фатаграфіі і дакументы, якія праліваюць святло на паўсядзённае жыццё і подзвігі партызанак.

Дырэктар Ноўкінскай сярэдняй школы Т.В.Дзідарэнка, вітаючы гасцей, падкрэсліла важнасць такіх мерапрыемстваў для патрыятычнага выхавання падрастаючага пакалення. «Сёння мы не проста гаворым пра гісторыю, мы дакранаемся да жывога мінулага, даведаемся пра людзей, на чыім прыкладзе нам усім варта вучыцца мужнасці, любові да Радзімы і гатоўнасці абараняць яе да апошняга», – адзначыла яна.

Навучэнцы школы ў канцы мерапрыемства з непадробнай цікавасцю задавалі пытанні аўтару кнігі, імкнучыся глыбей зразумець значэнне тых далёкіх, але такіх важных падзей.

1. Падчас прэзентацыі навукова-папулярнага выдання «Жанчыны ў партызанскім руху Беларусі»

2. Падчас прэзентацыі навукова-папулярнага выдання «Жанчыны ў партызанскім руху Беларусі»

3. У.А.Калабаева падчас напісання дароўнага надпісу