Аб удзеле дырэктара Дзяржаўнага архіва Брэсцкай вобласці ў Міжнароднай навукова-практычнай канферэнцыі ў г.Петразаводску

1-2 катрычніка 2026 года дырэктар Дзяржаўнага архіва Брэсцкай вобласці Г.Г.Карапузава прыняла ўдзел у IX Міжнароднай навукова-практычнай канферэнцыі «Архівы і генеалогія», арганізаванай Міністэрствам культуры Рэспублікі Карэлія і Нацыянальным архівам Рэспублікі Карэлія (г.Петразаводск).

У 2025 годзе Нацыянальны архіў Рэспублікі Карэлія і Дзяржаўны архіў Брэсцкай вобласці падпісалі пагадненне аб супрацоўніцтве, у рамках якога быў рэалізаваны сумесны электронны выставачны праект «Гарады-пабрацімы: Петразаводск і Брэст».

1 кастрычніка падчас канферэнцыі адбылася прэзентацыя выстаўкі. Сумесны праект прадставілі дырэктар Нацыянальнага архіва Рэспублікі Карэлія А.М.Марозаў і дырэктар Дзяржаўнага архіва Брэсцкай вобласці Г.Г.Карапузава.

Выстаўка складаецца з двух раздзелаў: «Горад, народжаны ў парахавым дыме: гісторыя і сучаснасць Петразаводска» і «Брэст: на скрыжаваннях гісторыі», якія знаёмяць з гістарычным мінулым гарадоў-пабрацімаў.

У рамках канферэнцыі арганізатарамі была прадугледжана работа тэматычнай сесіі «Петразаводск і Брэст: дыялог гарадоў-пабрацімаў у люстэрку агульнай гістарычнай памяці», на якой адбыліся выступленні дырэктара архіва Ганны Карапузавай аб гісторыі горада Брэста і загадчыка філіяла «Музей 5 форт» ГУ «Мемарыальны комплекс «Брэсцкая крэпасць-герой» з дакладам «Мемарыяльны комплекс «Брэсцкая крэпасць-герой»: захаванне гістарычнай праўды і памяці (да 85-годдзя абароны)», а таксама быў прадэманстраваны дакументальны фільм «Крэпасць-герой», падрыхтаваны Беларускім дзяржаўным архівам кінафотафонадакументаў.

Мерапрыемства асвятлялася мясцовымі сродкамі масавай інфармацыі.

1. Дырэктар Дзяржаўнага архіва Брэсцкай вобласці Ганна Карапузава выступае з дакладам аб гісторыі Брэста

2. Падчас тэматычнай сесіі канферэнцыі

3. Намеснік Міністра культуры Рэспублікі Карэлія А.У.Шыбанаў уручае Падзячны ліст дырэктару дзяржархіва Брэсцкай вобласці Г.Г.Карапузавай

4. Фрагмент навін ДТРК «Карэлія» аб мерапрыемстве