У Дзяржархіве ў г.Глыбокае праведзена сустрэча-дыялог «Дзень, які змяніў усё»

Напярэдадні Дня народнага адзінства ва ўстанове «Занальны дзяржаўны архіў у г.Глыбокае» сумесна з аддзелам ідэалагічнай работы і па справах моладзі Глыбоцкага райвыканкама адбылася сустрэча-дыялог «Дзень, які змяніў усё». Сустрэча сабрала прадстаўнікоў розных пакаленняў: навучэнцаў устаноў адукацыі, настаўнікаў і працуючую моладзь.

Для прысутных прадэманстраваны фільм «Уз’яднанне», падрыхтаваны Беларускім дзяржаўным архівам канафотафонадакументаў. Загадчык аддзела выкарыстання і публікацыі дакументаў Дзяржархіва Таццяна Аўласава прадставіла падборку артыкулаў з Глыбоцкай і Пліскай раённых газет і расказала пра тое, як асвятляла прэса ў розныя гады святкаванне Дня народнага адзінства.

Атмасфера сустрэчы была напоўнена вялікай павагай да гісторыі нашай краіны. Удзельнікі дыялогу актыўна дзяліліся сваімі думкамі аб значэнні гэтага дня для сучаснага беларускага грамадства.

Фатаграфіі, зробленыя падчас правядзення сустрэчы-дыялогу