Фотадакументальная выстава «Заўтра была вайна» адкрылася ў Міністэрстве юстыцыі Рэспублікі Беларусь

16 чэрвеня 2025 года ў Міністэрстве юстыцыі Рэспублікі Беларусь адкрылася фотадакументальная экспазіцыя «Заўтра была вайна», падрыхтаваная Нацыянальным архівам Рэспублікі Беларусь і Беларускім дзяржаўным архівам кінафотафонадакументаў, прымеркаваная да Дня ўсенароднай памяці ахвяр Вялікай Айчыннай вайны і генацыду беларускага народа.

У гэты дзень у 1941 г. пачалася самая кровапралітная і страшная вайна ў гісторыі нашай краіны.

На выставе Нацыянальным архівам Рэспублікі Беларусь прадстаўлены унікальныя дакументы: спецпаведамленне першаму сакратару ЦК КП(б)Б П.К.Панамарэнка ад начальніка разведаддзела штаба ЗахАВА С.Блахіна аб падрыхтоўцы Германіяй вайны супраць СССР; пратакол №69 пасяджэння Бюро ЦК КП(б)Б аб нападзе Германіі на СССР; дырэктыва №1 ЦК КП(б)Б аб пераходзе на падпольную працу партарганізацый раёнаў, занятых ворагам; дырэктыва ЦК КП(б)Б №2 партыйным, савецкім і камсамольскім арганізацыям па разгортванню партызанскай вайны у тыле ворага; разведсводки, спецпаведамленні, схемы груповак нямецкіх войскаў, артыкулы з перыядычных выданняў напярэдадні вайны, іншыя дакументы.

Гэты дзень нагадвае нам аб усіх загінуўшых у баях, закатаваных у гітлераўскай няволі, памерлых у тыле ад голаду і нягод. Мы смуткуем па ўсіх, хто цаной свайго жыцця выканаў святы доўг, абараняючы ў тыя суровыя гады сваю Айчыну.

1. Афіша выставы «Заўтра была вайна»

2. Экспазіцыя выставы «Заўтра была вайна»

3. Архіўныя фотаздымкі на выставе

4. Частка экспазіцыя выставы «Заўтра была вайна»

5. Архіўныя дакументы на выставе