Акцыя «Архівы-школе» ва ўстанове «Занальны дзяржаўны архіў у г.Лідзе»

12.06.2025 установу «Занальны дзяржаўны архіў у г.Лідзе» наведалі навучэнцы 6-х класаў ДУА «Сярэдняя школа №12 г.Ліды», якія наведваюць летні школьны лагер. Для навучэнцаў былі праведзены ўрокі на тэму «Уводзіны ў архіўную справу», арганізаваны аглядныя экскурсіі па архіве з наведваннем выстаў.

Таксама супрацоўнікамі архіва былі праведзены майстар-класы па тэме: «Я вучуся пісаць пяром».

Навучэнцы даведаліся якім чынам дакументы паступаюць у архіў на захоўванне, як забяспечваецца хуткі пошук інфармацыі сярод вялікага масіва дакументаў і фондаў архіва, іх захаванасць і выкарыстанне. Школьнікі з карысцю правялі час і змаглі паспрабаваць сябе ў ролі архівістаў.

1. Школьнікі падчас правядзення майстар-класаў.

2. Школьнікі падчас правядзення ўрокаў і экскурсій.