Аб наведванні Дзяржаўнага архіва Брэсцкай вобласці вучнямі гімназіі №6 г.Брэста

27 мая 2025 года ў рамках акцыі «Архівы – школе» Дзяржаўны архіў Брэсцкай вобласці наведалі вучні 10-га класа ДУА «Гімназія №6 г.Брэста імя Маршала Савецкага Саюза Жукава Г.К.».

Супрацоўнікі аддзела выкарыстання і публікацыі дакументаў расказалі дзецям аб асноўных напрамках дзейнасці архіваў Рэспублікі Беларусь, пра тое, як ствараўся Дзяржархіў Брэсцкай вобласці і якія дакументы ён захоўвае. Больш падрабязна гімназістам расказалі аб дакументах перыяду Вялікай Айчыннай вайны, якія захоўваюцца ў архіве.

У ходзе лекцыі вучням прадэманстравалі фільм «Да 80-й гадавіны вызвалення горада Брэста ад нямецка-фашысцкіх захопнікаў», прадстаўлены Беларускім дзяржаўным архівам кінафотафонадакументаў.

Далей вучням была праведзена аглядная экскурсія па архіве з наведваннем архівасховішча і лабараторыі па рамонце і рэстаўрацыі архіўных дакументаў.

1. Гімназісты падчас лекцыі

2. Падчас прагляду фільма

3. Вучні падчас экскурсіі па архівасховішчы

4. У лабараторыі па рамонце і рэстаўрацыі архіўных дакументаў