Сустрэча са студэнтамі факультэта геаграфіі і геаінфарматыкі Беларускага дзяржаўнага ўніверсітэта ў Нацыянальным архіве Рэспублікі Беларусь

29 мая 2025 года ў рамках акцыі «Архівы – школе» ў Нацыянальным архіве Рэспублікі Беларусь адбылася сустрэча са студэнтамі 2-га курса факультэта геаграфіі і геаінфарматыкі Беларускага дзяржаўнага ўніверсітэта (далей – БДУ).

Вядучы архівіст аддзела фондаў асабістага паходжання Таццяна Ігараўна Брылева правяла экскурсію па архіве, распавяла пра яго гісторыю, склад і асаблівасці захоўвання дакументаў, а таксама аб праце архіва ў галіне публікацыйнай і выставачнай дзейнасці.

У рамках мерапрыемстваў, якія праводзяцца архівам да 80-годдзя Вялікай Перамогі, для студэнтаў быў арганізаваны прагляд дакументальнага фільма «Гісторыя Вялікай Перамогі», падрыхтаванага Беларускім дзяржаўным архівам кінафотафонадакументаў.

Таксама студэнты наведалі архівасховішча фондаў асабістага паходжання, дзе Т.I.Брылева азнаёміла iх з дакументамі з асабістых архіваў дзяржаўных, партыйных і грамадскіх дзеячаў, вучоных Беларусі, удзельнікаў Вялікай Айчыннай вайны.

1. Вядучы архівіст аддзела фондаў асабістага паходжання Т.І.Брылева распавядае пра гісторыю архіва

2. Студэнты БДУ падчас наведвання архіва

3. Студэнты БДУ падчас наведвання сховішча фондаў асабістага паходжання

4. Студэнты БДУ падчас наведвання сховішча фондаў асабістага паходжання