Аб удзеле Нацыянальнага архіва Рэспублікі Беларусь у агульнарэспубліканскім суботніку

Апублікавана: 12 красавіка 2025 г.

12 красавіка 2025 года адбыўся агульнарэспубліканскі суботнік. Ён працягнуў сабой слаўны гістарычны летапіс стварэння, які сыходзіць каранямі ў далёкае мінулае і прадвызначыў шмат у чым сённяшняе мірнае і камфортнае жыццё беларусаў.

Падобныя ініцыятывы-выдатная магчымасць і для згуртавання калектыву, і для эфектыўнага правядзення часу ў суботу.

Урадам Рэспублікі Беларусь 1 красавіка была прынята пастанова №194 «Аб правядзенні рэспубліканскага суботніка ў 2025 годзе». У Год добраўпарадкавання асноўны акцэнт красавіцкага суботніка ў Нацыянальным архіве Рэспублікі Беларусь быў зроблены на ўборку і добраўпарадкавання працоўных месцаў і памяшканняў, а таксама на добраўпарадкаванне памятных месцаў.

Перад пачаткам суботніка адбыўся ўрачысты мітынг, на якім выступіла кіраўніцтва архіва. Намеснік дырэктара архіва С.В.Кулінок расказаў аб традыцыях правядзення суботнікаў у нашай рэспубліцы і адзначыў важнасць і значнасць гэтых мерапрыемстваў.

Для работнікаў архіва была прадстаўлена першая дакументальная выстава з цыкла праектаў, прысвечаных Году добраўпарадкавання – «Добраўпарадкаванне краіны праз прызму часу (даваенны перыяд)».

Калектыў Нацыянальнага архіва Рэспублікі Беларусь арганізаваў працу ў будынках па праспекце Незалежнасці, 116, па вул.Макаёнка, 12 к.1 і па вул. Казлова, 26. Работнікі архіва навялі парадак на працоўных месцах, у архівасховішчах і ў іншых памяшканнях.

На працягу працоўнага дня для архівістаў было арганізавана музычнае суправаджэнне мерапрыемства, і чаяванне – па яго завяршэнні.