«Архівы – школе»: аб правядзенні інфармацыйных гадзін работнікамі ўстановы «Дзяржаўны архіў Магілёўскай вобласці» ва ўстанове адукацыі «Магілёўскі дзяржаўны медыцынскі каледж»

З 31 сакавіка па 4 красавіка 2025 года ў рамках рэспубліканскай акцыі «Архівы — школе», пілотнага праекта «Юны архівіст» і напярэдадні Дня Перамогі супрацоўнікі аддзела навуковага выкарыстання дакументаў і інфармацыі ўстановы «Дзяржаўны архіў Магілёўскай вобласці» правялі серыю інфармацыйных гадзін для 7 груп навучэнцаў установы адукацыі «Магілёўскі дзяржаўны медыцынскі каледж».

Навучэнцам была прадстаўлена банэрная выстава «Зноў да мінулага поглядам наблізімся», прысвечаная падзеям Вялікай Айчыннай вайны і пасляваеннага аднаўлення ў горадзе Магілёве.

Супрацоўнікі архіва таксама пазнаёмілі навучэнцаў з асаблівасцямі працы архівістаў, спецыфікай дакументаў, якія знаходзяцца на захоўванні ў архіве.

Падчас інфармацыйных гадзін адбыўся паказ дакументальных фільмаў «Аперацыя «Баграціён» і «Партызанская рэспубліка», падрыхтаваных установай «Беларускі дзяржаўны архіў кінафотафонадакументаў» (г. Дзяржынск).

Архіўныя дакументы, а таксама кіна- і фотадакументы выклікалі жывую цікавасць у навучэнцаў, дазволілі ім пашырыць свае веды па гісторыі горада і вобласці.

1.Загадчык аддзела навуковага выкарыстання дакументаў і інфармацыі ўстановы «Дзяржаўны архіў Магілёўскай вобласці» Вольга Троцкая знаёміць навучэнцаў з банэрнай выставай «Зноў да мінулага поглядам наблізімся».

2. Вядучы архівіст аддзела навуковага выкарыстання дакументаў і інфармацыі ўстановы «Дзяржаўны архіў Магілёўскай вобласці» Аляксандр Петухоў знаёміць навучэнцаў з банэрнай выставай «Зноў да мінулага поглядам наблізімся».

3. Навучэнцы ўстановы адукацыі «Магілёўскі дзяржаўны медыцынскі каледж» глядзяць дакументальны фільм «Аперацыя «Баграціён».

4. Педагог ўстановы адукацыі «Магілёўскі дзяржаўны медыцынскі каледж» Уладзімір Зарэмскі прадстаўляе супрацоўніка архіва.

5. Загадчык аддзела навуковага выкарыстання дакументаў і інфармацыі ўстановы «Дзяржаўны архіў Магілёўскай вобласці» Вольга Троцкая вядзе гутарку з навучэнцамі ўстановы адукацыі «Магілёўскі дзяржаўны медыцынскі каледж».