Аб узнагароджанні супрацоўніка ўстановы «Дзяржаўны архіў грамадскіх аб’яднанняў Магілёўскай вобласці»

Сёння ва ўстанове «Дзяржаўны архіў грамадскіх аб’яднанняў Магілёўскай вобласці» свята. Свой 25-гадовы стаж працы адзначае загадчык аддзела забеспячэння захаванасці дакументаў і фондаў Барцулёва Святлана Віктараўна. 3 красавіка 2000г. яна прыйшла ў архіў і затрымалася на 25гадоў.

Галоўнае ўпраўленне юстыцыі Магілёўскага аблвыканкама выказвае Падзяку за ўзорнае выкананне службовых абавязкаў, высокі прафесіяналізм, працяглую бездакорную працу, важкі ўклад у гісторыю развіцця архіўнай галіны і ў сувязі з 25-годдзем работы ва ўстанове.

Калектыў архіва выказвае шчырую падзяку і глыбокую павагу за ўклад у станаўленне і развіццё архіўнай справы, за часцінку душы, якую Святлана Віктараўна ўкладвае ў сваю працу.

Жадаем ёй моцнага здароўя, аптымізму, дабрабыту, шчасця і яшчэ шмат гадоў заставацца часткай нашага калектыву.

Дырэктар архіва А.А.Набокава ўручае Падзяку загадчыку аддзела забеспячэння захаванасці дакументаў і фондаў С.В.Барцулёвай.