Удзельнікі ваенна-патрыятычнага клуба наведалі Занальны дзяржаўны архіў у г.Навагрудку

2 красавіка 2025г. у рамках акцыі «Архівы-Школе» Занальны дзяржаўны архіў у г.Навагрудку наведалі навучэнцы ўстановы адукацыі «Навагрудскі дзяржаўны каледж».

Ваенна-патрыятычны клуб «Кастрычнік» каледжа займаецца вывучэннем гісторыі партызанскага атрада «Кастрычнік» Першамайскай партызанскай брыгады, якая дзейнічала ў гады Вялікай Айчыннай вайны на тэрыторыі былой Баранавіцкай вобласці. У архіве ўдзельнікі клуба пазнаёміліся з выставай «Выстаялі і перамаглі», якая расказвае пра акупацыю Навагрудчыны нямецка-фашысцкімі захопнікамі, генацыдзе мірнага насельніцтва і доўгачаканым вызваленні. Таксама навучэнцы папрацавалі з літаратурай па тэме даследавання ў чытальнай зале дзяржархіва.

Удзельнікі ваенна-патрыятычнага клуба «Кастрычнік» Навагрудскага дзяржаўнага каледжа.

Дырэктар дзяржархіва А.С.Забелінская знаёміць навучэнцаў з выставай «Выстаялі і перамаглі»

Навучэнцы на выставе «Выстаялі і перамаглі»