Аб удзеле Беларускага дзяржаўнага архіва навукова-тэхнічнай дакументацыі ў інтэрактыўнай мастацкай выставе «Захоўваем у сэрцах Вялікую Перамогу»

З 2 красавіка па 6 ліпеня 2025г. у Барысаўскай цэнтральнай раённай бібліятэцы імя І.Х.Каладзеева дэманструецца інтэрактыўная мастацкая выстаўка «Захоўваем у сэрцах Вялікую Перамогу», прысвечаная 80-годдзю Перамогі савецкага народа ў Вялікай Айчыннай вайне.

На ўрачыстым адкрыцці Беларускі дзяржаўны архіў навукова-тэхнічнай дакументацыі прадставіў банэрную выставу, прысвечаную гісторыі і сучаснаму стану БДАНТД і аднаўленню г.Мінска пасля Вялікай Айчыннай вайны. Наведвальнікі выстаўкі могуць азнаёміцца з унікальнымі архіўнымі дакументамі, якія ілюструюць разбурэнні, прычыненыя гораду ў гады вайны, і каласальную работу жыхароў сталіцы па яго аднаўленні.

На выстаўцы прадстаўлены творчыя работы ўдзельнікаў адкрытага міжнароднага дзіцяча-юнацкага конкурсу плакатаў-матыватараў «Вялікім вогненным гадам святую памяць захоўваючы» прысвечанага 80-годдзю вызвалення Беларусі ад нямецка-фашысцкіх захопнікаў і арганізаванага ў рамках рэгіянальнага грамадзянска-патрыятычнага праекта

Таксама дэманструюцца жывапісныя творы барысаўскіх мастакоў Пятра Казявіна і члена ГА«Беларускі саюз мастакоў» Віктара Бялова з мастацкай калекцыі цэнтральнай бібліятэкі, творы барысаўчанкі Наталлі Ганчаровай з фондаў ДУ«Барысаўскі аб’яднаны музей». Складовай часткай экспазіцыі з’яўляюцца творчыя работы навучэнцаў ДУА «Дзіцячая мастацкая школа імя А.А.Анікейчыка г.Барысава» і аўтараў з іншых гарадоў Беларусі, якія воляю лёсу аказаліся на Барысаўшчыне, створаныя па матывах твораў літаратурнага аб’яднання «Натхненне» ДУК«Барысаўская цэнтральная раённая бібліятэка» І.Х.Каладзеева, прысвечаныя 80-годдзю Перамогі савецкага народа ў Вялікай Айчыннай вайне.

Адкрыццё выставы

Дырэктар БДАНТД А.П.Куракоў падчас выступу

Банерная выстава БДАНТД

Матэрыялы выставы «Захоўваем у сэрцах Вялікую Перамогу»

Знаёмства наведвальнікаў бібліятэкі з банэрнай выставай БДАНТД