Экскурсія ў Занальны дзяржархіў г.Маладзечна: майстар-класы па рамонце дакументаў і наведванне сховішча

У рамках рэспубліканскай акцыі «Архівы – школе» установу «Занальны дзяржаўны архіў у г.Маладзечна» наведалі навучэнцы 1-4-ых класаў школьнага лагера «Сонечны горад» ДУА «Сярэдняя школа №12 г.Маладзечна». Экскурсія пачалася з вітальнага слова супрацоўнікаў архіва Алены Тамковіч і Вольгі Беразоўскай, якія распавялі пра яго гісторыю, асноўныя задачы і значэнні архіўных дакументаў для захавання культурнай спадчыны. Удзельнікі даведаліся, як архівы дапамагаюць даследчыкам, гісторыкам і простым грамадзянам у пошуку інфармацыі. Адным з самых захапляльных момантаў экскурсіі стала наведванне сховішча. Навучэнцы змаглі ўбачыць, як арганізавана захоўванне дакументаў, якія меры прымаюцца для іх абароны і захаванасці. Пасля экскурсіі па сховішчы хлопцы былі запрошаны на майстар-класы па рамонце дакументаў. У завяршэнні экскурсіі архівісты прадэманстравалі некалькі відэаролікаў на YouTube-канале Беларускага дзяржаўнага архіва кінафотафонадакументаў, прысвечаных школьнаму жыццю.

Экскурсія ў архіў стала не толькі пазнавальнай, але і натхняльнай. Юныя ўдзельнікі пакінулі мерапрыемства з новымі ведамі і навыкамі, а таксама з разуменнем важнасці захавання гістарычных дакументаў.

1. Падчас экскурсіі

2. Падчас прагляду відэаролікаў