Захавальнікі гістарычнай спадчыны

У межах акцыі «Архівы-школе» 25 сакавіка 2025 года вучні 6 «А» класа гімназіі №3 г.Пінска наведалі ўстанову «Занальны дзяржаўны архіў у г.Пінску».

Архівістам 1 катэгорыі Качаргіной Наталляй праведзена лекцыя «Захавальнікі гістарычнай спадчыны». Вучням распавялі пра гісторыю ўзнікнення архіва, яго структуры, захаванне, выкарыстанне архіўных дакументаў. Асаблівая ўвага была аддадзена ролі архіваў у захаванні гістарычнай памяці. У ходзе лекцыі было падкрэслена, што дакументы, якія захоўваюцца ў архівах, з’яўляюцца каштоўнай крыніцай інфармацыі для вывучэння гісторыі нашай краіны, яе культуры і традыцый. У канцы лекцыі была праведзена аглядная экскурсія па архіве, дзе вучні азнаёміліся з асаблівасцямі захоўвання дакументаў.

У межах праекта «Адкрыты кінаархіў» быў прадэманстраваны фільм «Вызваленне г.Брэста», створаны Беларускім дзяржаўным архівам кінафотафонадакументаў. Таксама для дзяцей былі падрыхтаваны інфармацыйныя буклеты для арганізацыі сярод навучэнцаў падпіскі на канал БДАКФФД.

1. У час правядзення экскурсіі ў архівасховішчы

2. Агульны фотаздымак класа з супрацоўнікамі архіва

3. Архівіст дэманструе рэдкія архіўныя дакументы

4. Архівіст праводзіць лекцыю

5. Уручэнне інфармацыйных буклетаў для арганізацыі сярод вучняў подпісу на канал БДАКФФД

6. Інфармацыйныя буклеты, падрыхтаваныя супрацоўнікамі Занальнага дзяржаўнага архіва, для арганізаыі подпісу на канал БДАКФФД