Аб правядзенні ва ўстанове «Дзяржаўны архіў Гомельскай вобласці» нарады па рабоце з навучэнцамі

17 сакавіка 2025 года ва ўстанове «Дзяржаўны архіў Гомельскай вобласці», у рамках супрацоўніцтва з установамі адукацыі, адбылася нарада па метадычных пытаннях з супрацоўнікамі ДУА «Гомельскі абласны цэнтр турызму і экалогіі дзяцей і моладзі». На нарадзе былі абмеркаваны пытанні правядзення ўрокаў для навучэнцаў у рамках акцый «Архівы – школе» і «Юны архівіст».

У нарадзе прынялі ўдзел – намеснік дырэктара Зоя Аляксандравіч, загадчык аддзела справаводства, фарміравання НАФ і архіваў арганізацый Таццяна Хіневіч, загадчык аддзела ўліку і забеспячэння захаванасці дакументаў Святлана Прымакова і старшы навуковы супрацоўнік Мая Вашчанка, загадчык аддзела краязнаўства Анастасія Слаута і маладыя спецыялісты, метадысты – Аліна Шчарбакова, Анастасія Пехцерава і Дар’я Спявак. У рамках нарады супрацоўнікі архіва расказалі аб дакументах архіва перыяду Вялікай Айчыннай вайны, якія выкарыстоўваюцца ў рабоце з навучэнцамі.

Яны падзяліліся вопытам работы ў правядзенні ўрокаў на тэму генацыду беларускага народа з улікам рознага ўзросту навучэнцаў і ўзроўню адукацыі. Спецыялістамі архіва былі рэкамендаваныя такія метады і формы работы з вучнямі, як наглядная дэманстрацыя дакументаў на стэндах і вітрынах, выкарыстанне арыгіналаў пры правядзенні тэматычных заняткаў і лекцый, а таксама экскурсіі, кіналекторыі і круглыя сталы.

Удзел супрацоўнікаў у выязных тэматычных мерапрыемствах, з прыцягненнем навучэнцаў і студэнтаў таксама з’яўляецца адной з формаў работы архіва.

Гасцям была праведзена азнаямленчая экскурсія па архіве.

1. Намеснік дырэктара архіва З.Александровіч і ўдзельнікі нарады

2. Загадчык аддзела ўліку і забеспячэння захаванасці дакументаў С.Прымакова распавядае аб захаванасці дакументаў