Урачысты сход працоўнага калектыву Нацыянальнага архіва Рэспублікі Беларусь, прымеркаваны да Дня Канстытуцыі Рэспублікі Беларусь

14 сакавіка 2025 года ў Нацыянальным архіве Рэспублікі Беларусь (далей – НАРБ) адбыўся ўрачысты сход працоўнага калектыву, прымеркаваны да Дня Канстытуцыі Рэспублікі Беларусь, а таксама дыялогавая пляцоўка для студэнтаў Беларускага дзяржаўнага ўніверсітэта (далей – БДУ).

У рамках акцыі «Архивы – школе» ў мерапрыемстве прыняў удзел маладзежны актыў гісторычнага факультэта БДУ.

З прывітальным словам перад прысутнымі выступіў дырэктар НАРБ А.К.Дземянюк. Ён адзначыў важнасць захавання дакументальных крыніц аб гісторыі Асноўнага Закона нашай краіны для будучага пакалення.

Вядучы архiвiст, кандыдат гістарычных навук В.Г.Мазец выступіў з лекцыяй «Конституционный процесс в Беларуси: 1919 – 2022 гг»..

Работнікам і гасцям мерапрыемства быў арганізаваны прагляд відэароліка «Конституция моей страны», падрыхтаваны работнікамі Беларускага дзяржаўнага архіва кінафотафонадакументаў.

Для студэнтаў БДУ была арганізавана экскурсія па архіве. Загадчык аддзела фондаў асабістага паходжання І.У.Дарагуш расказала пра гісторыю, структуру, склад дакументаў у фондах архіва і магчымасці іх выкарыстання ў напісанні навукова-даследчых работ.

Падчас экскурсіі будучыя архівісты азнаёміліся з публікацыйнай і выставачнай дзейнасцю архіва, наведалі чытальную залу, архівасховішча фондаў асабістага паходжання. У рамках мерапрыемства ім была прадстаўлена фотадакументальная выстава, прысвечаная 100-годдзю першага выпуску БДУ.

1. Дырэктар Нацыянальнага архіва Рэспублікі Беларусь А.К.Дзямянюк выступае з прывітальным словам перад працоўным калектывам

2. Работнікі архіва і студэнты БДУ падчас лекцы

3. Вядучы архівіст В.Г.Мазец выступае з лекцыяй

4. Студэнты БДУ падчас наведвання архіва

5. А.К.Дземянюк, I.У.Дарагуш, В.Г.Мазец падчас гутаркі са студэнтамі

6. Загадчык аддзела фондаў асабістага паходжання І.У.Дарагуш распавядае аб асноўных напрамках дзейнасці архіва

7. Студэнты знаёмяцца з выданнямі архіва

8. Студэнты знаёмяцца з дакументамі па гісторыі Асноўнага Закона нашай краіны

9. Студэнты БДУ знаёмяцца з экспазіцыяй выставы «Белорусский университет. Начало».

10. Студэнты БДУ падчас наведвання сховішча фондаў асабістага паходжання

11. Студэнты БДУ падчас наведвання сховішча фондаў асабістага паходжання