Аб правядзенні круглага стала ў Дзяржаўным архіве Брэсцкай вобласці

26 лютага 2025 г. у Дзяржаўным архіве Брэсцкай вобласці адбылося мерапрыемства ў фармаце круглага стала, у якім прынялі ўдзел прадстаўнікі раённага метадычнага аб’яднання бібліятэкараў устаноў адукацыі Ленінскага раёна г.Брэста пры ДУ «Навучальна-метадычны кабінет Ленінскага раёна г.Брэста».

З расповедам пра гісторыю архіва, асноўныя напрамкі дзейнасці, склад і змест дакументаў, якія захоўваюцца ў ім, выступіла дырэктар архіва Ганна Карапузава.

З удзельнікамі мерапрыемства была абмеркавана тэма ролі архіва і архіўных дакументаў у адукацыйным працэсе, асаблівы акцэнт быў зроблены на дакументах перыяду Вялікай Айчыннай вайны.

Акрамя таго, гасцям быў прадэманстраваны фільм «Да 80-й гадавіны вызвалення горада Брэста ад нямецка-фашысцкіх захопнікаў», падрыхтаваны Беларускім дзяржаўным архівам кінафотафонадакументаў.

Падчас экскурсіі па архіве школьныя бібліятэкары змаглі бліжэй пазнаёміцца з прафесіяй архівіста, умовамі захоўвання архіўных дакументаў.

1. Дырэктар архіва Ганна Карапузава расказвае пра гісторыю архіва

2. Дырэктар архіва Ганна Карапузава дэманструе дакументы Надзвычайнай дзяржаўнай камісіі перыяду 1944-1946 гг.

3. Падчас прагляду дакументальнага фільма

4. Экскурсія па архівасховішчы

5. Азнаямленне з выстаўкай дакументаў

6. У лабараторыі па рамонце і рэстаўрацыі архіўных дакументаў