Падпісанне Плана сумесных мерапрыемстваў па развіццю супрацоўніцтва паміж архіўнымі ўстановамі Рэспублікі Беларусь і Свярдлоўскай вобласці Расійскай Федэрацыі на 2025-2027 гады

25 лютага ў Нацыянальнай бібліятэцы Беларусі адбылося ўрачыстае адкрыццё дакументальнай выстаўкі «Скрозь палон» да 80-годдзя Перамогі ў Вялікай Айчыннай вайне 1941-1945 гадоў. Экспазіцыйны праект прадстаўлены ў рамках візіту дэлегацыі Свярдлоўскай вобласці ў Рэспубліку Беларусь.

З прывітальнымі словамі да ўдзельнікаў мерапрыемства звярнуліся намеснік Міністра юстыцыі Рэспублікі Беларусь А.Н.Кот і Першы намеснік Губернатара Свярдлоўскай вобласці А.В.Шмыкаў.

Экскурсію па выставе правяла дырэктар Дзяржаўнага архіва адміністрацыйных органаў Свярдлоўскай вобласці А.В.Сялезнева.

На мерапрыемстве прысутнічалі члены дэлегацыі Свярдлоўскай вобласці, кіраўнікі рэспубліканскіх архіўных устаноў, работнікі НАРБ, школьнікі з падшэфных школ, прадстаўнікі СМІ.

Для дэлегацыі архівістаў Свярдлоўскай вобласці (Начальнік Упраўлення архівамі Свярдлоўскай вобласці Р.С.Тараборын і дырэктар Дзяржаўнага архіва адміністрацыйных органаў Свярдлоўскай вобласці А.В.Сялезнева) праведзена аглядная экскурсія па Нацыянальным архіве Рэспублікі Беларусь з наведваннем сховішчаў фондаў асабістага паходжання. Гасцей азнаёмілі з працэсам аблічбоўкі архіўных дакументаў і прадэманстравалі хроніку ваеннага часу.

Перад удзельнікамі сустрэчы з дакладам аб рабоце архіўнай галіны Рэспублікі Беларусь выступіў дырэктар Дэпартамента па архівах і справаводстве Міністэрства юстыцыі Рэспублікі Беларусь А.Л.Воінаў.

Начальнік Упраўлення архівамі Свярдлоўскай вобласці Расійскай Федэрацыі, доктар юрыдычных навук Р.С.Тараборын прадставіў даклад «Архіўная служба Свярдлоўскай вобласці».

Завяршылася сустрэча падпісаннем Плана сумесных мерапрыемстваў па развіццю супрацоўніцтва паміж архіўнымі ўстановамі Рэспублікі Беларусь і Свярдлоўскай вобласці Расійскай Федэрацыі на 2025-2027 гады.

1. Экспазіцыя выстаўкі архіўных дакументаў «Скрозь палон» да 80-годдзя Перамогі ў Вялікай Айчыннай вайне

2. З прывітальным словам выступіў намеснік Міністра юстыцыі Рэспублікі Беларусь А.М.Кот

3. Выступленне Першага намесніка губернатара Свярдлоўскай вобласці А.У.Шмыкава

4. Намеснік Міністра юстыцыі Рэспублікі Беларусь А.М. Кот уручыў памятны падарунак Першаму намесніку губернатара Свярдлоўскай вобласці А.У.Шмыкаву

5. Выступленне начальніка Упраўлення архівамі Свярдлоўскай вобласці Р.С.Тараборына

6. Выставу архіўных дакументаў «Скрозь палон» да 80-годдзя Перамогі ў Вялікай Айчыннай вайне прэзентавала дырэктар Дзяржаўнага архіва адміністрацыйных органаў Свярдлоўскай вобласці А.У.Селязнёва

7. Азнаямленне дэлегацыі Упраўлення архівамі Свярдлоўскай вобласці з фондамі Нацыянальнага архіва Рэспублікі Беларусь

8. Азнаямленне дэлегацыі Упраўлення архівамі Свярдлоўскай вобласці з фондамі Нацыянальнага архіва Рэспублікі Беларусь

9. Азнаямленне дэлегацыі Упраўлення архівамі Свярдлоўскай вобласці з фондамі Нацыянальнага архіва Рэспублікі Беларусь

10. Выступленне дырэктара Дэпартамента па архівах і справаводству Міністэрства юстыцыі Рэспублікі Беларусь А.Л. Воінава

11. Падпісанне Плана сумесных мерапрыемстваў па развіццю супрацоўніцтва паміж архіўнымі ўстановамі Рэспублікі Беларусь і Свярдлоўскай вобласці на 2025 – 2027 гады

12. Падпісанне Плана сумесных мерапрыемстваў па развіццю супрацоўніцтва паміж архіўнымі ўстановамі Рэспублікі Беларусь і Свярдлоўскай вобласці на 2025 – 2027 гады