У Дзяржархіве ў г.Глыбокае адбыўся чарговы ўрок для ўдзельнікаў праекта «Юны архівіст»
18 студзеня 2025 года ў Дзяржархіве ў г.Глыбокае адбыўся чарговы ўрок для ўдзельнікаў праекта «Юны архівіст». Тэма ўрока – «Геральдыка роднай зямлі».
Загадчык аддзела выкарыстання і публікацыі дакументаў Таццяна Аўласава расказала вучням пра гербы раённых цэнтраў, якія ўваходзяць у зону, што абслугоўваецца Дзяржархівам у г.Глыбокае, гісторыі іх узнікнення. Вучні змаглі ўбачыць дакументы раённых выканаўчых і распарадчых органаў, якімі зацвярджаліся геральдычныя сімвалы раённых цэнтраў Глыбокае, Докшыцы, Міёры, Паставы, Шаркаўшчына.
Затым юнакі і дзяўчаты з вялікай цікавасцю азнаёміліся з экспазіцыяй «Беларусь, якая развіваецца. Беларусь адзіная», аформленай у чытальнай зале архіва.
На фота: Загадчык аддзела выкарыстання і публікацыі дакументаў Таццяна Аўласава праводзіць урок для ўдзельнікаў праекта «Юны архівіст»
