Аб выніковым сходзе калектыва установы «Беларускі дзяржаўны архіў навукова-тэхнічнай дакументацыі» па выніках 2024 года

16 студзеня 2025 года адбыўся выніковы сход калектыва Беларускага дзяржаўнага архіва навукова-тэхнічнай дакументацыі. На сходзе прысутнічаў намеснік дырэктара Дэпартамента па архівах і справаводству Міністэрства юстыцыі Рэспублікі Беларусь А.Я.Цвяткоў.

Дырэктар БДАНТД А.П.Куракоў выступіў з дакладам «Аб выніках работы ўстановы «Беларускі дзяржаўны архіў навукова-тэхнічнай дакументацыі» за 2024 год», у якім падвёў вынікі мінулага года, адзначыў дасягненні архіва. Кіраўнік архіва выказаў падзяку калектыву за плённую працу і ўзнагародзіў ганаровымі граматамі вядучага архівіста аддзела інфармацыі і выкарыстання дакументаў К.В.Шкут, загадчыка аддзела справаводства і фарміравання Нацыянальнага архіўнага фонду Рэспублікі Беларусь М.В.Тозіка, вядучага эканаміста А.А.Грыцкевіч. Акрамя таго, Андрэй Пятровіч павіншаваў з мінулым юбілеем намесніка дырэктара архіва Г.С.Жаўняркевіча.

У заключным слове А.Я.Цвяткоў звярнуў увагу на перамены ў будынку архіва пасля рамонту, адзначыў поспехі ў працы, нягледзячы на складанасці, а таксама перспектыўнасць архіва ў цэлым.

Падчас схода былі намечаны мэты і планы на наступны год і абазначаны напрамкі, на якія трэба звярнуць асаблівую ўвагу.

1. Дырэктар БДАНТД А.П.Куракоў падчас выступу

2. Загадчык аддзела справаводства і фарміравання Нацыянальнага архіўнага фонду Рэспублікі Беларусь М.В.Тозік

3. Вядучы эканаміст А.А.Грыцкевіч

4. А.Я.Цвяткоў гаворыць заключнае слова