Прафарыентацыйныя мерапрыемствы для навучэнцаў ДУА «Сярэдняя школа № 17 г. Магілёва» і УА «Магілёўскі дзяржаўны каледж мастацтваў» ва ўстанове «Дзяржаўны архіў Магілёўскай вобласці»

У рамках акцыі «Архівы-школе» 19 снежня 2024 года ўстанову «Дзяржаўны архіў Магілёўскай вобласці» наведалі навучэнцы дзяржаўнай установы адукацыі «Сярэдняя школа № 17 г. Магілёва» і ўстановы адукацыі «Магілёўскі дзяржаўны каледж мастацтваў».

Супрацоўнікі аддзела навуковага выкарыстання дакументаў і інфармацыі пазнаёмілі навучэнцаў з гісторыяй архіўнай справы Магілёўшчыны, асаблівасцямі працы архівістаў, а таксама з банэрнай выставай «Зноў да мінулага поглядам наблізімся», якая прысвечана гісторыі горада Магілёва ў гады Вялікай Айчыннай вайны.

Дзецям быў прадэманстраваны дакументальны фільм «Вызваленне», падрыхтаваны ўстановай «Беларускі дзяржаўны архіў кінафотафонадакументаў» (г. Дзяржынск), прысвечаны 80-й гадавіне вызвалення Рэспублікі Беларусь ад нямецка-фашысцкіх захопнікаў.

З навучэнцамі таксама была праведзена прафарыентацыйная размова, у ходзе якой навучэнцы былі праінфармаваны аб тым, што неабходна для атрымання прафесіі архівіста, і аб установах адукацыі, дзе праводзяць навучанне па гэтай спецыяльнасці.

Потым экскурсія працягнулася ў лабараторыі па аблічбоўцы дакументаў, дзе дзеці змаглі ўбачыць працэс лічбавай апрацоўкі архіўных спраў. Таксама навучэнцы пабывалі ў архівасховішчы, дзе азнаёміліся са складам дакументаў, якія захоўваюцца, умовамі і рэжымам іх захоўвання.

1. Загадчык аддзела навуковага выкарыстання дакументаў і інфармацыі Вольга Троцкая праводзіць прафарыентацыйную гутарку са школьнікамі ДУА «Сярэдняя школа № 17 г. Магілёва».

2. Архівіст 1 кваліфікацыйнай катэгорыі аддзела навуковага выкарыстання дакументаў і інфармацыі Аляксей Швыроў прэзентуе навучэнцам ДУА «Сярэдняя школа № 17 г. Магілёва» банэрную выставу «Зноў да мінулага поглядам наблізімся».

3. Вучні ДУА «Сярэдняя школа № 17 г. Магілёва» знаёмяцца з архіўнымі дакументамі.

4. Вучні ўстановы адукацыі «Магілёўскі дзяржаўны каледж мастацтваў» працуюць з архіўнымі дакументамі ў чытальнай зале архіва.

5. Загадчык аддзела навуковага выкарыстання дакументаў і інфармацыі Вольга Троцкая дэманструе архіўныя дакументы навучэнцаў установы адукацыі «Магілёўскі дзяржаўны каледж мастацтваў»

6. Навучэнцы ўстановы адукацыі «Магілёўскі дзяржаўны каледж мастацтваў» аглядаюць банэрную выставу «Зноў да мінулага поглядам наблізімся».