Дырэктар і намеснік дырэктара ўстановы «Занальны дзяржаўны архіў у г.Слуцку» наведалі мерапрыемства «Сем дарожак вясёлкі»

11 снежня дырэктар Барадзіна Ірына Антонаўна і намеснік дырэктара Скобелева Алена Сяргееўна ўстановы «Занальны дзяржаўны архіў у г.Слуцку» наведалі мерапрыемства «Сем дарожак вясёлкі»- так называецца акцыя дружбы і міласэрнасці, якая ўжо ў 20-ы раз аб’ядноўвае таленавітых хлопчыкаў і дзяўчынак з устаноў адукацыі г. Слуцка і Слуцкага раёна, верных сяброў, ды і проста ўсіх неабыякавых.

Гэтае дзіўнае свята поўнае душэўнай цеплыні і трапятання, бо яно з дабром і міласэрнасцю адносіцца да «асаблівых» дзяцей, якім патрэбна наша падтрымка і дапамога.

Вось і 11 снежня, у маладзёжным цэнтры па традыцыі адбыўся заключны гала-канцэрт акцыі «Таленты без межаў».

Дзеці ў чарговы раз прадэманстравалі свае таленты: песні і танцы былі выдатнымі, майстэрства выканання непаўторным, а абстаноўка ў зале цёплай, добрай і радаснай.

Дырэктар Слуцкага раённага ЦКРНіР Інэса Панамарова выказала словы падзякі ўсім дзецям, бацькам «асаблівых дзяцей», педагогам, якія прынялі ўдзел у акцыі «Сем дарожак вясёлкі», а таксама гасцям-спонсарам, якія штогод аказваюць увагу і падтрымку нашай установе. Інэса Міхайлаўна адзначыла, што кожнае дзіця, якім бы яно ні было, перш за ўсё – унікальная асоба, і, нягледзячы на асаблівасці развіцця, яно мае роўныя з іншымі дзецьмі правы і хоча быць шчаслівым.

Гэты дзень, напоўнены ўсмешкамі і добрым настроем, стаў для ўсіх удзельнікаў днём дабра, дружбы і міласэрнасці.

На фота: Удзельнікі мерапрыемства «Сем дарожак вясёлкі».