Аб удзеле супрацоўнікаў БелНДІДАС у канферэнцыі «Ад ідэі да рэальнасці», прысвечанай сучасным тэхналогіям і інавацыйным падыходам да кіравання дакументамі

Апублікавана: 29 лістапада 2024 г.

29 лістапада 2024 г. дэлегацыя БелНДІДАС на чале з дырэктарам інстытута А.Я.Рыбаковым прыняла ўдзел у канферэнцыі «Ад ідэі да рэальнасці», прысвечанай сучасным тэхналогіям і інавацыйным падыходам да кіравання дакументамі. У склад дэлегацыі ўвайшлі загадчык аддзела архівазнаўства С.Я.Купрыянаў і малодшы навуковы супрацоўнік аддзела дакументазнаўства А.А.Недашкоўская.

Арганізатарамі канферэнцыі выступілі «Маштабныя рашэнні» сумесна з групай кампаній «Электронныя Офісныя Сістэмы». На канферэнцыі «Ад ідэі да рэальнасці» былі прадстаўлены самыя апошнія дасягненні ў вобласці аўтаматызацыі дакументазвароту і архіўнага захоўвання.

У рамках працы канферэнцыі былі прадстаўлены: новая сістэма электроннага дакументазвароту (СЭД) «ТЫТУЛ», якая з’яўляецца пераемніцай СЭД «Справа», і сістэма «ХРОНІКА» для аўтаматызаванага ўліку, захоўвання і выкарыстання як папяровых, так і электронных дакументаў.

Удзельнікі канферэнцыі высока ацанілі ўзровень праведзенага мерапрыемства, падкрэсліўшы важнасць і актуальнасць разгледжаных на канферэнцыі праблемных пытанняў.

На фота: Агульны фотаздымак удзельнікаў канферэнцыі «Ад ідэі да рэальнасці»