Аб семінары ў Савете Рэспублікі Нацыянальнага сходу па растлумачэнні норм заканадаўства ў сферы архіўнай справы і справаводства

Семінар быў арганізаваны Сакратарыятам Савета Рэспублікі Нацыянальнага сходу і Дэпартаментам па архівах і справаводству Міністэрства юстыцыі Рэспублікі Беларусь.

У семінары, які прадоўжыў серыю навучальных мерапрыемстваў па растлумачэнні норм заканадаўства ў сферы архіўнай справы і справаводства, якія праводзяцца Дэпартаментам па архівах і справаводству і Беларускім навукова-даследчым інстытутам дакументазнаўства і архіўнай справы, прынялі ўдзел кіраўнікі і спецыялісты Сакратарыята, усяго каля 30 чалавек.

Адкрыў семінар Начальнік Сакратарыята А.В.Мальцаў, які адзначыў важнасць правільнай пастаноўкі справаводства, выканання ўстаноўленых правілаў дакументавання і арганізацыі працы з дакументамі для забеспячэння эфектыўнага вырашэння задач і функцый, ускладзеных на Савет Рэспублікі.

Дырэктар Беларускага навукова-даследчага інстытута дакументазнаўства і архіўнай справы А.Я.Рыбакоў у сваім выступленні падрабязна спыніўся на пытаннях, якія тычацца асноўных змяненняў у арганізацыі і вядзенні справаводства ў святле патрабаванняў новай рэдакцыі Інструкцыі па справаводству ў дзяржаўных органах, іншых арганізацыях, якая ўступіла ў сілу 1 ліпеня 2024 г.Асаблівая ўвага была звернута на пытанні правільнага афармлення дакументаў, выканання ўстаноўленых тэрмінаў іх рэгістрацыі і выканання. Асобна былі разгледжаны асаблівасці афармлення дакументаў у электронным выглядзе, уключаючы электронныя дакументы.

Падвёў вынікі семінара Намеснік Старшыні Савета Рэспублікі Нацыянальнага сходу Рэспублікі Беларусь С.М.Хаменка, які падкрэсліў важнасць і актуальнасць праведзенага мерапрыемства, акцэнтаваў увагу на неабходнасці безумоўнага выканання патрабаванняў заканадаўства ў сферы архіўнай справы і справаводства, падкрэсліў актуальнасць задачы па перапрацоўцы лакальнай інструкцыі па справаводству ў Савеце Рэспублікі, выказаў пажаданне правесці аналагічны семінар для работнікаў Сакратарыята па пытаннях перадачы дакументаў на захоўванне ў архіў.

1. Дырэктар БелНДІДАС А.Я.Рыбакоў падчас выступлення

2. Удзельнікі семінара ў Савеце Рэспублікі Нацыянальнага сходу Рэспублікі Беларусь

3. Словы падзякі за ўдзел у семінары Намесніка Старшыні Савета Рэспублікі Нацыянальнага сходу Рэспублікі Беларусь С.М.Хаменкі дырэктару БелНДІДАС А.Я.Рыбакову