Наведванне супрацоўнікамі Нацыянальнага архіва Рэспублікі Беларусь перасоўнага музея «Цягнік Перамогі»

05 ліпеня 2024 года супрацоўнікі Нацыянальнага архіва Рэспублікі Беларусь наведалі экспазіцыі ўнікальнага перасоўнага музея «Цягнік Перамогі».

Супрацоўнікі НАРБ азнаёміліся з прадстаўленымі на экспазіцыі дзесяццю тэматычнымі вагонамі. Інтэрактыўная экспазіцыя прысвечана подзвігу савецкага народа ў гады Вялікай Айчыннай вайны. Кожная частка цягніка – гісторыя асобна ўзятага часовага адрэзка. У храналагічным парадку прайшло азнаямленне з перадваеннымі гадамі, з бязлітасным часам Вялікай Айчыннай вайны і з доўгачаканым для савецкага народа Днём Перамогі.

Асаблівую цікавасць у наведвальнікаў выклікала мультымедыйнае суправаджэнне выставы з выкарыстаннем аб’ёмнага гуку, а таксама тэатральнае асвятленне, механічныя спецэфекты, выкарыстанне датчыкаў прысутнасці, галаграм, панарам баёў у віртуальнай рэальнасці, кіназдымкі гістарычных рэканструкцый, трохмерная кампутарная графіка з мадэлямі ваеннай тэхнікі.

Экспазіцыя аднаго з вагонаў прысвечана подзвігу абаронцаў Брэсцкай крэпасці – удзельнікам гераічнай абароны, салдатам і камандзірам Чырвонай Арміі, а таксама жанчынам і дзецям з сем’яў ваеннаслужачых, якія прынялі першы ўдар нямецкіх войскаў на сябе.

Сплаў класічнага і сучаснага падыходаў дапаўняецца унікальным расповедам галоўнага героя – машыніста Лідзіі, ад чыёй асобы вядзецца аповяд. Лідзія – не проста аўдыягід. Гэтая юная савецкая дзяўчына – зборны вобраз таго пакалення, чый лёс стаў лёсам краіны.

1. Лакаматыў «Цягніка Перамогі» – сапраўдны паравоз сярэдзіны ХХ стагоддзя.

2. «Цягнік Перамогі» прыбыў на першы шлях першай платформы Мінскага чыгуначнага вакзала

3. Экспазіцыя, прысвечаная подзвігу абаронцаў Брэсцкай крэпасці.

4. Экспазіцыя, прысвечаная гераічным экіпажам бронецягнікоў.

5. Экспазіцыя, якая паказвае абстаноўку ў ваенным шпіталі.

6. Экспазіцыя, якая паказвае камандны бункер.

7. Частка экспазіцыі, прысвечанай вяртанню дадому пераможцаў.