Прэзентацыя ілюстраванага зборніка «Операция «Багратион». Партизаны белорусской земли» у Беларускім дзяржаўным музеі гісторыі Вялікай Айчыннай вайны

2 ліпеня 2024 г.у межах круглага стала, прысвечанага 80-годдзю вызвалення Беларусі ад нямецка-фашысцкіх захопнікаў, у Беларускім дзяржаўным музеі гісторыі Вялікай Айчыннай вайны адбылася прэзентацыя кнігі «Операция «Багратион». Партизаны белорусской земли». Выданне падрыхтавана ў рамках праекта бібліятэкі Саюзнай дзяржавы.

У кнізе прадстаўлены бясспрэчныя доказы баявой славы і ратнага подзвігу «народных мсціўцаў»: архіўныя дакументы з фондаў Нацыянальнага архіва Рэспублікі Беларусь, Беларускага дзяржаўнага архіва кінафотафонадакументаў, Беларускага дзяржаўнага архіва навукова-тэхнічнай дакументацыі, Цэнтральнага архіва Міністэрства абароны Расійскай Федэрацыі.

У мерапрыемстве прынялі ўдзел: дзяржаўны сакратар Саюзнай дзяржавы Д.Ф.Мезенцаў, дзяржаўны сакратар Савета бяспекі Рэспублікі Беларусь А.Г.Вальфовіч, Намеснік Кіраўніка Адміністрацыі Прэзідэнта Рэспублікі Беларусь У.Б.Пярцоў, Міністр адукацыі А.І.Іванец, кіраўнікі міністэрстваў і ведамстваў, парламентарыі Беларусі і Расіі, прадстаўнікі вучнёўскай моладзі, юныя выхаванцы патрыятычных клубаў, вучоныя-гісторыкі і іншыя. Архіўную галіну прадстаўлялі дырэктар Дэпартамента па архівах і справаводству Міністэрства юстыцыі Рэспублікі Беларусь А.Л.Воінаў і дырэктар Нацыянальнага архіва Рэспублікі Беларусь А.К.Дземянюк.

У сваіх выступленнях удзельнікі мерапрыемства адзначылі, што народы Беларусі і Расіі памятаюць, і заўсёды будуць памятаць і шанаваць подзвіг савецкага народа, значны ўклад «народных мсціўцаў» у барацьбу з фашыстамі, адзначылі змястоўнасць новага выдання, якое стане добрай дапамогай у патрыятычным і маральным выхаванні, асабліва падрастаючага пакалення.

Падводзячы вынікі мерапрыемства, Д.Ф.Мезенцаў выказаў словы падзякі архівістам за вялікі ўклад у падрыхтоўку выдання.

1. Дзяржаўны сакратар Саюзнай дзяржавы Д.Ф.Мезенцаў і дзяржаўны сакратар Савета бяспекі Рэспублікі Беларусь А.Г.Вальфовіч падчас круглага стала

2. Падчас выступлення Намесніка Кіраўніка Адміністрацыі Прэзідэнта Рэспублікі Беларусь У.Б.Пярцова

3. Выступленне Міністра адукацыі Рэспублікі Беларусь А.І.Іванца

4. Выступленне юных удзельнікаў круглага стала

5. Выступленне юных удзельнікаў круглага стала

6. Дзяржаўны сакратар Саюзнай дзяржавы Д.Ф.Мезенцаў

7. Дырэктар Дэпартамента па архівах і справаводству Міністэрства юстыцыі Рэспублікі Беларусь А.Л.Воінаў і дырэктар Нацыянальнага архіва Рэспублікі Беларусь А.К.Дзямянюк у час работы круглага стала