Правядзенне прафарыентавання для студэнтаў Беларускага дзяржаўнага ўніверсітэта

2 мая 2024 года Нацыянальны гістарычны архіў Беларусі наведалі студэнты гістарычнага факультэта Беларускага дзяржаўнага ўніверсітэта і іх выкладчык – кандыдат гістарычных навук Андрэй Любы.

Вядучы навуковы супрацоўнік аддзела выкарыстання дакументаў і інфармацыі Уладзімір Дзянісаў і вядучы архівіст аддзела інфармацыйна-пошукавых сістэм Алёна Любая правялі прафарыентацыйную лекцыю, падчас якой распавялі студэнтам пра гісторыю архіўнай справы на беларускіх землях, гісторыю НГА Беларусі, склад і асаблівасці фондаў установы, найбольш значныя дакументы, якія захоўваюцца ў архіве, а таксама пра асноўныя напрамкі яго дзейнасці. Для наведвальнікаў была праведзена экскурсія па архівасховішчах.

Студэнты праявілі вялікую цікавасць да дакументаў НГА Беларусі, актыўна задавалі пытанні па выніках лекцыі.

1. Супрацоўнікі НГА Беларусі Уладзімір Дзянісаў і Алена Любая распавядаюць пра гісторыю і асноўныя накірункі дзейнасці архіва

2. Студэнты гістарычнага факультэта Беларускага дзяржаўнага ўніверсітэта

3. Паказ прэзентацыі, прысвечанай дзейнасці НГА Беларусі

4. А.Любая знаёміць студэнтаў з актавай кнігай XVII ст.

5. У.Дзянісаў паказвае студэнтам план зямельных уладанняў князёў Вітгенштэйнаў

6. Дэманстрацыя матэрыялаў па гісторыі роду князёў Радзівілаў