Удзел БДАМЛМ у прэзентацыйным мерапрыемстве «Вясновыя перазовы: жанчыны-творцы на старонках сакавіцкага нумара «Роднага слова»

28 сакавіка 2024 года дырэктар Беларускага дзяржаўнага архіва-музея літаратуры і мастацтва Алена Аляксандраўна Макаранка і вядучы архівіст Прынько Наталья Паўлаўна ўзялі ўдзел у прэзентацыйным мерапрыемстве «Вясновыя перазовы: жанчыны-творцы на старонках сакавіцкага нумара «Роднага слова», якое адбылося на базе Дзяржаўнага музея гісторыі беларускай літаратуры.

На мерапрыемстве прысутнічала больш за 80 чалавек: аўтары і партнёры часопіса, навукоўцы, прадстаўнікі музеяў, Народны літаратурны тэатр «Жывое слова», струнны ансамбль «La vie», студэнты Беларускай дзяржаўнай акадэміі музыкі, навучэнцы сярэдніх школ г. Мінска.

Першы вясновы выпуск навуковага і метадычнага часопіса «Роднае слова» прысвечаны паэткам-юбіляркам Ганне Новік і Еўдакіі Лось, пісьменніцам – аўтарам зборніка жаночай навелы з кніжнай серыі «Сучасная беларуская літаратура». Архіўныя даследаванні часопіса прысвечаны творчасці Ларысы Александроўскай і Яўгеніі Пфляўмбаўм.

Дырэктар архіва-музея А.А. Макаранка выступіла з дакладам аб жыцці і творчасці Ларысы Пампееўны Александроўскай, у якім асаблівую ўвага звярнула на новыя архіўныя знаходкі (лістам М.Мікалаева да Л.П. Александроўскай часоў Вялікай Айчынай вайны).

З фондаў Нацыянальнага мастацкага музея Рэспублікі Беларусь было прадстаўлена жывапіснае палатно «Подых вясны» народнай мастачкі Беларусі Раісы Кудрэвіч.

У ходзе мерапрыемства адбылася экспрэс-прэзентацыя архіўна-музейна-часопісных праектаў «Роднага слова» і сумесных ініцыятыў, якія накіраваны на папулярызацыю беларускай культуры.

1 – Дырэктар Беларускага дзяржаўнага архіва-музея літаратуры і мастацтва Алена Аляксандраўна Макаранка

2 – А.А.Макаранка, А.А.Кузняцова, Н.М.Шапран на прэзентацыйным мерапрыемстве «Вясновыя перазовы: жанчыны-творцы на старонках сакавіцкага нумара «Роднага слова»«

3 – Удзельнікі мерапрыемства