23 сакавіка 2024 года ў Маскве адбылося ўзнагароджанне пераможцаў Міжнароднага медыяконкурсу «Без тэрміну даўнасці: непакораныя», арганізаванага Міжрэгіянальнай грамадскай арганізацыяй «Дзіцячае медыйнае аб’яднанне «Бумеранг»

З 2023 года ўстанова «Беларускі дзяржаўны архіў кінафотафонадакументаў» з’яўляецца адным з партнёраў конкурсу.

Перад юнымі аўтарамі стаяла задача зняць медыяработы аб генацыдзе савецкага народа з выкарыстаннем аўдыёвізуальнай хронікі, якая з’яўляецца прамым доказам неабвержнасці гістарычных фактаў на фоне спроб дыскрэдытаваць і перапісаць гісторыю. Спецыяльна для конкурса аўдыёвізуальныя дакументы былі безкаштоўна прадастаўлены Беларускім дзяржаўным архівам кінафотафонадакументаў, Расійскім дзяржаўным архівам кінафотадакументаў і Музеем Перамогі.

Юныя кінематаграфісты здымалі медыяработы ў фарматах відэаэсэ, буктрэйлер, відэаверш, відэарэпартаж па адной з намінацый: «Заплакала зямля…», «Схавай, матуля мяне», «Яго паважалі ў атрадзе», «Жыццё як подзвіг», «Адплата». Публічны прагляд медыяработ даступны на сайце.

Мастацкі кіраўнік конкурсу і старшыня журы – кінарэжысёр, заслужаны дзеяч мастацтваў Расійскай Федэрацыі Уладзімір Граматыкаў.

Расійскія і беларускія падлеткі з 69 дзіцячых рэгіянальных кіна- і медыястудый знялі 156 медыяработ аб мірных савецкіх жыхарах, якія сталі ахвярамі гітлераўскай палітыкі масавага знішчэння людзей у гады Вялікай Айчыннай вайны. 13 лепшых фільмаў увайшлі ў Кінаальманах і сталі вартыя дзяржаўнага захоўвання ў Расійскім дзяржаўным архіве кінафотадакументаў і Беларускім дзяржаўным архіве кінафотафонадакументаў, а таксама размешчаны для публічнага прагляду на сайце Федэральнага праекта «Без тэрміну даўнасці». Створаныя падлеткамі медыяработы неабходна разглядаць як гісторыка-дакументальныя, якія на эмацыйным узроўні паказваюць непрыманне нацызму. Каштоўнасць створаных медыяработ заключаецца, у тым ліку, і ў праведзенай юнымі аўтарамі навукова-даследчай рабоце.

Беларускія школьнікі атрымалі перамогу ў намінацыях «Заплакала зямля…» і «Яго паважалі ў атрадзе».

За стварэнне фільма, ганараванага дзяржаўнага захоўвання ў складзе Нацыянальнага архіўнага фонду Рэспублікі Беларусь дыпломы былі ўручаны ДУА «Сярэдняя школа №224 г.Мінска» (кіраўнікі Вайцюк Надзея Міхайлаўна, Каладзінская Таццяна Валянцінаўна) за фільм «Трагедыя бацькі Міная» і медыястудыі «ІдэйКіно» «Сярэдняя школа №27 г.Мінска» (кіраўнік Картыннік Алена Васільеўна) за фільм «Акупацыя».

Дыпломы і памятныя сувеніры ўручыла член журы, галоўны захавальнік фондаў установы «Беларускі дзяржаўны архіў кінафотафонадакументаў» Ала Кот.

Гасцямі падзеі былі: Алена Малышава – кіраўнік Нацыянальнага цэнтра гістарычнай памяці пры Прэзідэнце Расійскай Федэрацыі, ганаровы архівіст Расіі; Мікалай Пестаў – дырэктар Расійскага дзяржаўнага архіва кінафотадакументаў, Рыма Маісеева – намеснік дырэктара Расійскага дзяржаўнага архіва кінафотадакументаў.

1. Конкурс фільмаў-прызёраў, пераданных на пастаяннае захаванне ў БДАКФФД (23 сакавіка 2024 г., БДАКФФД)

2. Удзельнікі цырымоніі ўзнагароджання пераможцаў конкурсу (23 сакавіка 2024 г., БГАКФФД)

3. Галоўны захавальнік фондаў БДАКФФД А.К.Кот праводзіць майстар-клас для ўдзельнікаў конкурсу (23 сакавіка 2024 г., БДАКФФД)

4. Кіраўнік медыястудыі ГУА «Сярэдняя школа №224 г.Мінска» Таццяна Каладзінская з узнагародамі (23 сакавіка 2024 г., БДАКФФД)

5. Уручэнне падзякі за партнёрства дырэктара Межрэгіянальнай грамадскай арганізацыі «Дзіцячае медыцынскае аб’яднанне «Бумеранг» Наталлі Васільевай (23 сакавіка 2024 г., БГАКФФД)

6. Награды пераможцам конкурсу ад БДАКФФД (23 сакавіка 2024 г., БДАКФФД)