БДАМЛМ да 81-й гадавіны спалення Хатыні

«Хатынь, дым которой я, подросток войны, помню – видел своими глазами его чёрные облака за далёким, на горизонте лесом. Помню, как деды на улице старались определить, гадали: что на этот раз горит, какая деревня?» – узгадваў народны паэт Беларусі Ніл Сымонавіч Гілевіч.

У сувязі з жалобнай датай – 81-й гадавінай знішчэння Хатыні – Беларускі дзяржаўны архіў-музей літаратуры і мастацтва ўшаноўвае памяць кожнага жыхара беларускіх вёсак, спаленых у гады Вялікай Айчыннай вайны.

Для тых, хто сёння не зможа наведаць мемарыяльны комплекс «Хатынь», мы змяшчаем фотаздымкі з дакументальнай аповесці аднаго з яго стваральнікаў – заслужанага архітэктара Рэспублікі Беларусь Леаніда Мендэлевіча Левіна:

№0. Хатынь. Мемарыяльныя знакі на месцы спаленых дамоў.

№1. Хатынь. Скульптурная кампазіцыя «Стары з хлопчыкам на руках» («Непакорны»). Фота 2022 года.

№2. Вокладка кнігі Леаніда Левіна»Хатынь».