Рабочы візіт дырэктара Дэпартамента па архівах і справаводству Міністэрства юстыцыі Рэспублікі Беларусь А.Л. Ваінава ў БДАКФФД
3 Лістапада 2023 на аб’екце «Капітальны рамонт з элементамі мадэрнізацыі ўнутраных інжынерных сістэм і аздаблення, які будуецца, папавярхова ў будынку ўстановы «Беларускі дзяржаўны архіў кінафотафонадакументаў» па вул. Фаміных, д.1 у г. Дзяржынску» прайшла вытворчая нарада з удзелам дырэктара Дэпартамента па архівах і справаводстве Міністэрства юстыцыі Рэспублікі Беларусь Воінава Алега Леанідавіча. У час нарады прысутнічалі кіраўнікі генпадраднай, інжынернай і праектнай арганізацый.
У ходзе нарады былі разгледжаны пытанні выканання графіка вытворчасці работ і асваення грашовых сродкаў у 2023 годзе, выдзеленых на будаўніцтва з рэспубліканскага бюджэту. Былі заслуханы даклады кіраўнікоў, запрошаных арганізацый, разгледжаны шэраг пытанняў, якія ўзніклі ў працэсе дэмантажных работ і патрабуюць дадатковых праектных рашэнняў. Па выніках нарады дырэктарам Дэпартамента па архівах і справаводству Міністэрства юстыцыі Рэспублікі Беларусь быў дадзены шэраг адпаведных даручэнняў. Асаблівую ўвагу дырэктар Дэпартамента звярнуў на своечасовасць і паўнату асваення выдзеленых грашовых сродкаў, а таксама на якасць работ у адпаведнасці з дзеючымі тэхнічнымі нарматыўнымі прававымі актамі ў галіне будаўніцтва і захавання тэрмінаў будаўніцтва.
Па выніках нарады быў складзены пратакол даручэнняў, якія ўзяты на кантроль.
Пасля нарады адбылася сустрэча дырэктара Дэпартамента па архівах і справаводстве Міністэрства юстыцыі Рэспублікі Беларусь А.Л. Воінава з калектывам Беларускага дзяржаўнага архіва кінафотафонадакументаў.
Падчас гэтай сустрэчы дырэктар Дэпартамента падзякаваў калектыву БДАКФФД за добрую работу, асабліва адзначыўшы выставачную дзейнасць, а таксама аб’явіў падзяку дырэктару архіва А.М. Ганчару.
