«На канікулах – у архіў»

1 лістапада 2023 г. у рамках акцыі «Архівы – школе» і Года міру і стварэння ў Занальным дзяржаўным архіве ў г.Кобрыне пабывалі адзінаццацікласнікі сярэдняй школы №3 г.Кобрына.

У ходзе правядзення агляднай экскурсіі па архіве вучні даведаліся пра гісторыю стварэння архіва, аб асноўных напрамках дзейнасці ўстановы і складзе фондаў, якія захоўваюцца, спецыфіцы працы з архіўнымі дакументамі і захоўвання дакументаў. Наведалі архівасховішча.

У чытальнай зале архіва школьнікам быў прадэманстраваны відэаўрок «Падшыўка спраў з дапамогай архіўна-пераплётнай машыны».

У завяршэнні сустрэчы спецыялісты расказалі навучэнцам у якіх вышэйшых і сярэдніх навучальных установах рыхтуюць спецыялістаў архіўнай галіны.

1. Рабяты падчас агляднай экскурсіі па архіве

2. Вучні за праглядам відэаўрока

3. Школьнікі падчас экскурсіі па архівасховішчы