У рамках дня інфармавання 8 лютага 2023 г. у чытальнай зале ўстановы «Дзяржаўны архіў Гомельскай вобласці» адбыўся сход працаўнікоў архіва
У рамках дня інфармавання 8 лютага 2023 г. у чытальнай зале ўстановы «Дзяржаўны архіў Гомельскай вобласці» (далей – ДАГв) адбыўся сход працаўнікоў архіва.
У сваім дакладзе дырэктар ДАГв Сушчэвіч А.М. давёў да ведама калектыву інфармацыю аб падзеях, якія адбыліся ў краіне і за мяжой з 28 студзеня па 3 лютага 2023 г.
Андрэй Мікалаевіч адзначыў, што Прэзідэнт Беларусі Аляксандр Лукашэнка павіншаваў дзеячаў навукі, работнікаў навукова-даследчых інстытутаў і ўстаноў вышэйшай адукацыі з Днём беларускай навукі.
«У Год міру і тварэння на навуку ўскладаецца вялікая адказнасць. І прамысловасці, і сельскай гаспадарцы, і сацыяльнай сферы патрэбны прарыўныя інавацыйныя ідэі і распрацоўкі», – заявіў Кіраўнік дзяржавы.
Таксама дырэктар архіва расказаў, што Савет Рэспублікі адобрыў законапраект аб змяненні Выбарчага кодэкса. Праектам закона ўносяцца змяненні ў Выбарчы кодэкс Рэспублікі Беларусь для яго ўдасканалення з улікам практыкі прымянення і прывіда ў адпаведнасць з заканадаўчымі актамі, у тым ліку абноўленай Канстытуцыяй.
Акрамя таго, Сушчэвіч А.М. у сваім дакладзе праінфармаваў супрацоўнікаў архіва аб пасяджэнні калегіі Дэпартамента па архівах і справаводстве Міністэрства юстыцыі Рэспублікі Беларусь, якое адбылося 4 лютага 2023 г. “Аб выніках работы архіўнай галіны Рэспублікі Беларусь за 2022 год і задачах на 2023 год”.
Пры гэтым ён асобна спыніўся на задачах, якія стаяць перад абласным архівам.
У завяршэнні свайго выступлення Андрэй Мікалаевіч звярнуў увагу супрацоўнікаў архіва на безумоўнае выкананне загада Міністэрства юстыцыі Рэспублікі Беларусь №86 ад 29.04.2022 г. “Аб парадку прадстаўлення ў Міністэрства юстыцыі інфармацыі аб правапарушэннях, здарэннях, падзеях”.
