«Архівы – школе»: экскурсія для курсантаў Магілёўскага інстытута МУС»

Апублікавана: 18 жніўня 2022 г.

16 жніўня 2022 года супрацоўнікі ўстановы «Дзяржаўны архіў Магілёўскай вобласці» правялі аглядную экскурсію для курсантаў Магілёўскага інстытута МУС, якія займаюцца навуковым даследаваннем гісторыі міліцыі.

Архівіст 1 кв. катэгорыі аддзела навуковага выкарыстання дакументаў і інфармацыі А.І. Швыроў азнаёміў навучэнцаў з правіламі працы ў чытальнай зале, складам архіўных фондаў, найбольш цікавымі і запатрабаванымі дакументамі. Асобная ўвага была нададзена фондамі, звязанымі з праваахоўнай сістэмай: упраўленні міліцыі, пракуратура, следчыя і судовыя органы.

Затым курсанты, разам са сваім навуковым кіраўніком – кандыдатам гістарычных навук, дацэнтам А.А. Вараб’ёвым, пабывалі ў архівасховішчы, дзе архівіст 2 кв. катэгорыі аддзела ўліку і забеспячэння захаванасці дакументаў В.В. Клебча расказала аб арганізацыі і ўмовах захоўвання дакументаў.