Віншаванне з Новым годам дырэктара Дэпартамента па архівах і справаводству Міністэрства юстыцыі Рэспублікі Беларусь В.І.Кураша
Паважаныя калегі – работнікі архіўных устаноў і ветэраны архіўнай справы!
Прыміце самыя сардэчныя віншаванні з надыходзячым Новым годам!
Напярэдадні светлага свята хочацца выказаць шчырыя словы ўдзячнасці ўсім работнікам архіўнай галіны Беларусі за напружаную плённую працу, дзякуючы якой у 2021 годзе былі дасягнуты ключавыя мэты і планавыя паказчыкі ў рамках асноўных напрамкаў дзейнасці.
У адыходзячым годзе, нягледзячы на па-ранейшаму няпростыя санітарна-эпідэміялагічныя ўмовы, працягвалася актыўная праца па камплектаванні, уліку і забеспячэнні захаванасці дакументальных матэрыялаў, умацаванні кадравай і матэрыяльна-тэхнічнай базы дзяржаўных архіўных устаноў.
Завершана рэалізацыя шэрагу публікацыйна-выдавецкіх і выставачных дакументальных праектаў, многія з якіх мелі міжнародны характар. Усё шырэй у дзейнасць архіўных устаноў укараняюцца сучасныя інфармацыйныя тэхналогіі, новыя формы і метады працы.
Упэўнены, што і ў надыходзячым 2022 годзе адказныя задачы, пастаўленыя перад архіўнай галіной беларускім грамадствам і дзяржавай, будуць паспяхова выкананы!
Наступны год для архівістаў Беларусі мае асаблівае значэнне: мы будзем святкаваць знакавую дату – 100-годдзе архіўнай службы рэспублікі. Запланаваны маштабны комплекс юбілейных мерапрыемстваў, для паспяховай рэалізацыі якіх спатрэбіцца кансалідацыя намаганняў кожнага калектыву, кожнага работніка галіны!
Няхай 2022 год стане для Вас закладам стабільнасці і дабрабыту, прынясе мноства перамог і здзяйсненняў! Шчасця, міру і гармоніі Вам, Вашым родным і блізкім!
З павагай,
Дырэктар Дэпартамента па архівах і справаводству
Міністэрства юстыцыі Рэспублікі Беларусь
В.І.Кураш