25–26 лістапада 2021 г. адбыўся працоўны візіт дырэктара Дэпартамента па архівах і справаводству В.І.Кураша ў г. Гомель

25–26 лістапада 2021 г. прайшоў працоўны візіт дырэктара Дэпартамента па архівах і справаводству Міністэрства юстыцыі Рэспублікі Беларусь Віктара Іосіфавіча Кураша ў г. Гомель.

У ходзе сустрэчы з намеснікам старшыні Гомельскага абласнога выканаўчага камітэта А.А.Бараноўскім і выконваючым абавязкі начальніка галоўнага ўпраўлення юстыцыі Гомельскага абласнога выканаўчага камітэта А.А.Гуржыем адбылося абмеркаванне пытанняў рамонту будынка па вул. Косарава, 23 пад патрэбы Дзяржаўнага архіва Гомельскай вобласці.

У рамках візіту В.І.Кураш наведаў Дзяржаўны архіў Гомельскай вобласці, Дзяржаўны архіў грамадскіх аб’яднанняў Гомельскай вобласці, Рэспубліканскую тэхнічную лабараторыю мікрафільміравання страхавога фонду дакументацыі. Дырэктар Дэпартамента абмеркаваў з кіраўнікамі і работнікамі пытанні камплектавання, захавання і папулярызацыі дакументаў, развіцця IT-тэхналогій у архіўнай сферы, азнаёміўся з матэрыяльна-тэхнічнай базай дзяржаўных архіўных устаноў.

26 лістапада 2021 г. у будынку Цэнтральнай гарадской бібліятэкі ім. А.І.Герцэна адбылася прэзентацыя зборніка дакументаў з серыі “Без тэрміну даўнасці” аб злачынствах нацыстаў і іх памагатых супраць грамадзянскага насельніцтва Гомельскай вобласці ў гады Вялікай Айчыннай вайны.

З прывітальным словам да ўдзельнікаў прэзентацыі звярнуўся В.І.Кураш, які адзначыў выключную важнасць рэалізацыі серыйнага праекта “Без тэрміну даўнасці” для беларускай гістарыяграфіі, а таксама звярнуў увагу на вялікае практычнае значэнне гэтых зборнікаў не толькі для навуковай супольнасці і ўсіх, хто цікавіцца гісторыяй, але і для крымінальнай справы аб генацыдзе насельніцтва Беларусі ў гады Вялікай Айчыннай вайны, якую ў дадзены момант расследуе Генеральная пракуратура рэспублікі.

З прывітальнымі словамі таксама выступілі намеснік старшыні Гомельскага гарадского выканаўчага камітэта А.І.Алексіна, пракурор Гомельскай вобласці В.М.Марозаў, арцыбіскуп Гомельскі і Жлобінскі Стэфан, першы намеснік начальніка галоўнага ўпраўлення юстыцыі Гомельскага абласнога выканаўчага камітэта А.А.Гуржы.

Зборнік быў прэзентаваны членамі калектыву складальнікаў і рэдакцыйнай калегіі выдання – дырэктарам Нацыянальнага архіва Рэспублікі Беларусь (НАРБ) А.К.Дземянюком, загадчыкам аддзела публікацый НАРБ С.В.Кулінком, дырэктарам фонду “Гістарычная памяць” А.Р.Дзюкавым.

На мерапрыемстве прысутнічалі студэнты і выкладчыкі гістарычнага факультэта Гомельскага дзяржаўнага ўніверсітэта ім. Францыска Скарыны, выхаванцы кадэцкага вучылішча, вайскоўцы, прадстаўнікі архіўных і музейных устаноў, грамадскасці.