Выданне зборніка дакументаў “Аднаўленне і развіццё сельскай гаспадаркі Рэчыцкага, Лоеўскага, Брагінскага і Хойніцкага раёнаў: сведчанні архіўных дакументаў. 1943 − 1950 гг.” Занальнага дзяржаўнага архіва ў г. Рэчыцы

Апублікавана: 30 лістапада 2021 г.

Установай «Занальны дзяржаўны архіў у г. Рэчыцы» падрыхтаваны і выданы зборнік дакументаў “Аднаўленне і развіццё сельскай гаспадаркі Рэчыцкага, Лоеўскага, Брагінскага і Хойніцкага раёнаў: сведчанні архіўных дакументаў. 1943 − 1950 гг.”.

Зборнік асвятляе працэс аднаўлення і развіцця сельскай гаспадаркі вышэйпаказаных раёнаў у кантэксце першых гадоў пасля іх вызвалення ад нямецка-фашысцкіх захопнікаў у час Вялікай Айчыннай вайны. У ім прыведзены дакументы архіва, якія даволі панарамна раскрываюць сутнасныя бакі аднаўленчага перыяду ў сферы сельскагаспадарчай вытворчасці.

У адрозненне ад папярэдніх зборнікаў дакументаў ЗДА ў г. Рэчыцы, у гэтым выданні была расшырана геаграфічная кампанента: у яго былі ўключаны архіўныя дакументы не толькі Рэчыцкага, але і астатніх раёнаў зоны камплектавання архіва — Лоеўскага, Брагінскага і Хойніцкага. Такім чынам, у чытацкай аўдыторыі маюцца магчымасці і ацаніць праблемныя бакі адраджэння разоранай вайной аграрнай сферы, і ўбачыць падабенствы і адрозненні ў дынаміцы і характары змяненняў, якія адбываліся ў кожным з раёнаў.

Выданне будзе цікавым для ўсіх, хто вывучае гісторыю Рэчыцкага, Лоеўскага, Брагінскага і Хойніцкага раёнаў Гомельскай вобласці.

Вокладка зборніка дакументаў “Аднаўленне і развіццё сельскай гаспадаркі Рэчыцкага, Лоеўскага, Брагінскага і Хойніцкага раёнаў: сведчанні архіўных дакументаў. 1943 − 1950 гг.”