Прадстаўнікі дзяржаўных архіваў Гомельскай вобласці прынялі ўдзел у прэзентацыі зборніка “Музейныя гі100рыі. Асобы, калекцыі, рарытэты”

21 студзеня 2020 года па запрашэнні кіраўніцтва Дзяржаўнай гісторыка-культурнай установы “Гомельскі палацава-паркавы ансамбль” прадстаўнікі дзяржаўных архіваў Гомельскай вобласці прынялі ўдзел у прэзентацыі зборніка “Музейныя гі100рыі. Асобы, калекцыі, рарытэты”, якая адбылася ў белай гасцінай палаца Румянцавых і Паскевічаў.

На ўрачыстым мерапрыемстве прысутнічалі кіраўніцтва і работнікі ўстановы “Гомельскі палацава-паркавы ансамбль«, былыя супрацоўнікі музея, Аўтары-складальнікі зборніка, спонсары праекта закрытае акцыянернае страхавое таварыства “Белнафтастрах”, прадстаўнікі органаў дзяржаўнай улады, творчай і навуковай інтэлігенцыі, а таксама сродкі масавай інфармацыі Гомельшчыны.

З прывітальным словам да прысутных звярнулася дырэктар установы Торапава Аксана Валер’еўна.

Таксама на прэзентацыі прагучалі невядомыя раней факты, падзеі з гісторыі музея. Вялікую цікавасць выклікалі выступленні складальнікаў аб задумах і перадгісторыі напісання кнігі. У адрас аўтараў прагучала шмат цёплых і добрых слоў ад гасцей вечара, ветэранаў і калег. Прэзентацыя кнігі прайшла ў нязмушанай і добразычлівай атмасферы дзякуючы зацікаўленай аўдыторыі.

Асобнікі зборніка з аўтографамі аўтараў-складальнікаў будуць захоўвацца ва ўстановах “Дзяржаўны архіў грамадскіх аб’яднанняў Гомельскай вобласці”, “Дзяржаўны архіў Гомельскай вобласці” і даступныя карыстальнікам чытальных залаў.

Дырэктар установы “Дзяржаўны архіў грамадскіх аб’яднанняў Гомельскай вобласці” ва ўрачыстай абстаноўцы ад імя кіраўніцтва галоўнага ўпраўлення юстыцыі Гомельскага аблвыканкама перадала ў дар музею кнігу, прымеркаваную да стогадовага юбілею органаў юстыцыі Беларусі «Летапіс стагоддзя. Органы юстыцыі Рэспублікі Беларусь”, а таксама некаторыя выданні, падрыхтаваныя архівам.

Мультымедыйная прэзентацыя, аглядная экскурсія па музеі, віншаванні, а галоўнае-новая кніга – усё гэта стала сапраўдным святам для ўсіх прысутных.